Yosua 21:26-44

²⁶Kohada hameigini uruni ti tano timbuni minidaru daga lamaga halu pira uruniha dindi emene tomo dataniru anda holene bayale wiagoha tinaga nogo sibi bulumagaru hinu haga winiru heba mia dege bini.

²⁷Libai hameigini maru Gesonoali tihondo Manase hameigini maru ni ibiragohayagi henerunaga dindini tano timbuni kira Basana dindihayagi Golana tano winigo ogoni agali ibida pora bialu ha do haga tano winigobi Besedera tano winigobi mia dege bini.

²⁸Isaga hameiginirume tinaga dindiha tano timbuni maria wiaru Gesono hameigini urunihondo minigo uruni Kisiono tanobi Daberada tanobi

²⁹Yamudu tanobi Enganimi tanobi mini.

³⁰Ase hameiginirunaga dindiha howa tano timbuni maria mini. Misala tanobi Abadono tanobi

³¹Helegada tanobi Lehobo tanobi mini.

³²Nabadali hameiginirunaga dindiha tano timbuni tebira wiaru Gesono hameiginiru mini. Tano uruni Kedese tano Galilihayagi wiago ogoni agali ibida pora bialu ha do haga tano mbira wiagobi Hamododo tanobi Kadana tanobi mia dege bini.

³³Gesono hameigini mbira mbira hearu ti tano timbuni minidaruni daga lamaga halu pira mbirani tebira (13) bibahende minigo wu hene. Tano timbuni uruniha dindi emene tomo dataniru anda holene bayale wiarubi heba ti nogo sibi bulumagaru hinu helonaga miai hene.

³⁴Libai hameigini maru Merari hameigini hearu tihondo Sebulunu dindiha tano wiaru maria mo mini. Tano timbuni uruni Yogoneama tanobi Kada tanobi

³⁵Dimina tanobi Nahalala tanobi winigo mini.

³⁶Lubene dindihayagi tano maria wiaru Merari hameigini hearuhondo mini. Tano timbuni uruni Besere tanobi Yahasa tanobi

³⁷Kedemodo tanobi Mebada tanobi mini.

³⁸Gada hameiginiru tinaga dindiha tano maria winirubi Merari hameigini hearu ti mini. Tano timbuni uruni Lamodo tano Gileada dindihayagi agali ibida pora bialu ha do haga tano biaru aria mbira winigobi Mahanaimi tano wiagobi

³⁹Hesebono tano wiagobi Yasere tano wiagobi mini.

⁴⁰Merari hameigini ti tano timbuni minidaru daga lamaga halu hombearia (12) mini. Tano timbuni uruniha dindi emene tomo dataniru anda holene bayale wiarubi heba ti nogo sibi bulumagaru hinilo mini.

⁴¹Isaraele wali agalime tinaga dindi bibahendeha howa tano timbuni pira mariani halira (48) bibahende Libai hameiginiru helo tu wa mini.

⁴²Tano uruniha dindi emene tomo dataniru anda holene bayale wiarubi heba ti nogo sibi bulumagaru hinaga bilo mini.

⁴³Anduane Homogohanda Isaraele hameiginiruhondo dindi minidaru bibahende ala tinaga mamaliruhondo lamialu, I̱na dindi ogoni tí ngulebero, lalu lowinigodagua henene ani tagira pene. Ani miyagola Isaraele hameigini ti dindi ogoniha puwa bayale hene.

⁴⁴Bamba Anduane Homogohanda tinaga mamaliruhondo lamialu lalu, Tínaga miniha mo palia holene karulowa hada paya bu holeberemi, lenego bi ogoni henene lola halu ti ani hene. Ani heagola Anduane Homogohanda ti biamogo biyagome tigua tinaga waitigi bu hearu damene bibahende bope hai hene. Ani biyagola tinaga waitigi hearume ti bope holene hongo nahe hene.