Josué 21:26-44

²⁶Coat-wagan-baigangardi, bela neggwebur-gwaambe (10), degi, ibmar-durgan-maega e-gagan-nanaidse-bakale, ega uklesmogad.

²⁷Leví-machi-Gersónʼye-nugad-e-wagangardi, Manasés-wagan-negabalad-e-yargi, we-neggwebur-gwabo, degi, ibmar-durgan-maega e-gagan-nanaidse-bakale, ega uklesad: Basán-yalagagi, Golán-neggwebur. (We-neggwebur dule-gindasmalad-dukuega nugsalesad). Baiddi, Beestera.

²⁸Isacar-wagan-e-yargi, we-neggweburmar ega uklesad: Cisón, Daberat,

²⁹Jarmut, degi, En-Ganim. Bela neggwebur-gwabake, degi, ibmar-durgan-maega e-gagan-nanaidse-bakale, ega uklesad.

³⁰Aser-wagan-e-yargi, we-neggweburmar ega uklesad: Miseal, Abdón,

³¹Helcat, degi, Rehob. Bela neggwebur-gwabake, degi, ibmar-durgan-maega e-gagan-nanaidse-bakale, ega uklesad.

³²Neftalí-wagan-e-yargi, we-neggwebur-gwapaa, degi, ibmar-durgan-maega e-gagan-nanaidse-bakale, ega uklesad: Galilea-yalagangi Cedes-neggwebur. (We-neggwebur dule-gindasmalad-dukuega nugsalesad). Hamot-Dor, degi, Cartán.

³³Gersón-waganga na e-dadgan-e-dadganba bela neggwebur-gwaambe-gakapaa (13), degi, ibmar-durgan-maega e-gagan-nanaidse-bakale, ega uklesad.

³⁴Leví-wagan-napi-besmalad, Merari-masmala-e-waganga, Zabulón-wagan-e-yargi, we-neggweburmar-gwabake, degi, ibmar-durgan-maega e-gagan-nanaidse-bakale, ega uklesad: Jocneam, Carta,

³⁵Dimna, degi, Naalal.

³⁶Rubén-wagan-e-yargi, we-neggweburmar-gwabake, degi, ibmar-durgan-maega e-gagan-nanaidse-bakale, ega uklesad: Beser, Jahaza,

³⁷Cademot, degi, Mefaat.

³⁸Gad-wagan-e-yargi, we-neggweburmar-gwabake, degi, ibmar-durgan-maega e-gagan-nanaidse-bakale, ega uklesad: Galaad-yalagi Ramot-neggwebur. (We-neggwebur dule-gindasmalad-dukuega nugsalesad).

³⁹Mahanaim, Hesbón, degi, Jazer.

⁴⁰Weyobi Leví-wagan-napi-besmalad Merari-masmala-e-wagan, bela neggwebur-gwaambe-gakabo (12) abingasmalad.

⁴¹Leví-wagan, bela Israel-yargine neggwebur gwadulabo-gakabaabak (48), degi, ibmar-durgan-maega e-gagan-nanaidse-bakale, abingasmalad.

⁴²Bela we-neggweburmar-ebiris ibmar-durgan-maega gagan-nanaid.

⁴³Weyobi, Bab-Jehová Israel-dulemar-e-dadganga yar-ukoye sogsagusadi, Israel-dulemarga uksad. A-yargine, Israel-dulemar ambikusmalad.

⁴⁴Ar igi Bab-Jehová Israel-dulemar-e-dadganga neg-bogidikid-nasikoye-sogsagusa, deyobi, Bab-Jehová bela Israel-yargi neg-bogidikid nasiksad. Israel-dulemar-e-isdarmaladi, Israel-dulemargi gwen obichasurmalad, ar ade, Bab-Jehová, Israel-dulemar na e-isdarmaladgi-nakwega imaksad.