JOSUÉ 21:26-44

²⁶Huajca para nochi nopa sequinoc coatitame quiselijque majtacti altepeme ica ininpotreros.

²⁷Huan nopa levitame cati hualajque ipan icone Leví cati itoca eliyaya Gersón quiselijque ni altepeme: Nopa tajco ten nopa hueyi familia Manasés cati itztoque ica campa quisa tonati quiselijque ome altepeme ica ininpotreros: Golán ipan tali Basán, se altepet campa hueli momanahuise, huan Beestera.

²⁸Ten nopa hueyi familia Isacar quinselijque nahui altepeme ica ininpotreros: Cisón, Daberat,

²⁹Jarmut huan En Ganim.

³⁰Ten nopa hueyi familia Aser quinselijque nahui altepeme ica ininpotreros: Miseal, Abdón,

³¹Helcat huan Rehob.

³²Ten nopa hueyi familia Neftalí quinselijque eyi altepeme ica ininpotreros: Cedes, se para ipan momanahuise ipan tali Galilea, huan Hamot Dor huan Cartán.

³³Huajca ica nochi nopa gersonitame quiselijque 13 altepeme ica ininpotreros.

³⁴Huan nopa levitame cati hualajque ten icone Leví cati itoca Merari quiselijque ni altepeme: Ten nopa hueyi familia Zabulón quinselijque nahui altepeme ica ininpotreros: Jocneam, Carta,

³⁵Dimna huan Naalal.

³⁶Ten nopa hueyi familia Rubén quinselijque nahui altepeme ica ininpotreros: Beser, Jahaza,

³⁷Cademot huan Mefaat.

³⁸Ten nopa hueyi familia Gad quinselijque nahui altepeme ica ininpotreros: Galaad, se altepet campa hueli momanahuise, huan Mahanaim,

³⁹Hesbón huan Jazer.

⁴⁰Huajca ica nochi iteipan ixhuihua Leví cati hualajque ipan icone Merari huejcajquiya quiselijque 12 altepeme.

⁴¹Huajca para nochi iteipan ixhuihua Leví san sejco quiselijque 48 altepeme,

⁴²huan sese altepet quipixqui ipotreros.

⁴³Huajca TOTECO quinmactili nopa israelitame nochi nopa tali cati inihuaya mocajqui inihuejcapan tatahua para quinmacasquía. Huan nopa israelitame nopona mocajque para itztose.

⁴⁴Huan TOTECO quinmacac tasehuilisti quej quiijto. Huan amo aqui huelqui inihuaya moixnamiquis para quintehuis pampa TOTECO quinmacac chicahualisti para ma quintanica nochi inincualancaitacahua.