Josua 21:26-44

²⁶Te hanu nosali sabo Kohatgo hani sibi dabe, augwaligo te hanu nogo si dali, te bulmakaugo tuabo nosai elalubo wiegi yai tǫ dali sali.

²⁷Te Livaigo gasa hani sibi te augwali nogi Gerson nogi wali, augwaligo te Manasego hani badu te hanu si sali, Golan te Basan pedai badu, te bidi elali bidi dabe geme wi duala sigi pabo hanu me deli, me te Bestera dali, te bulmakaugo tuabo wiegi yai nosai elalubo tǫ dali sali.

²⁸Te Isakargo hanigo te hanu me si me si te augwali mani, te hanu nogi dabe Kision, me Daberat,

²⁹me Jarmut, me Enganim, te bulmakaugo tuabo wiegi yai nosai elalubo tǫ dali mani.

³⁰Te Asergo hanigo te hanu me si me si te augwali mani, Misal, me Apdon,

³¹me Helkat, me Rehop, te bulmakaugo tuabo nosai elalubo wiegi yai tǫ dali mani.

³²Te Naptaligo hanigo te hanu sela te Livai hani augwalibolo mani, Kedes te Galili pedai badu, te wiegi yai nosai elalubo badu, tama te da te bidi elali bidi dabe geme wi duala sigi pabo hanu me deli dao, tama me Hamotdor, me Kartan, te kibu bulmakau dabego tuabo nosai wiegi yai elalubo tǫ dali mawai.

³³Tama elama, tama te Gersongo hani sibi augwaligo te 13 hanu, me te augwali pąde te bulmakaugo tuabo nosai elalubo wiegi yai tǫ dali sali.

³⁴Te Livai gasa hani me badu, augwaligo nogi te Merari wali, augwaligo te Sebulungo hanigo hanu me si me si sai, Jokneam, me Karta,

³⁵me Dimna, me Nahalal, te bulmakaugo tuabo nosai wiegi yai elalubo tǫ dali sali.

³⁶Te Rubengo hani augwaligo te hanu me si me si te augwali mani, Beser, Jahas,

³⁷me Kedemot, me Mefat dali, te wiegi yai nosai bulmakaugo tuabo elalubo tǫ dali mani.

³⁸Te Gatgo hani augwaligo hanu me si me si te tigidali augwali mani, Ramot te Gileat pedai badu, te hanu da te bidi elali bidi dabe geme dula sigi pabo hanu me deli dao, tama me Mahanaim,

³⁹me Hesbon, me Jaser, te wiegi yai nosai te bulmakaugo tuabo elaluali tǫ dali mani.

⁴⁰Te Merarigo hani sibigo te hanu nogo si olama, sągągo si hanu dali te sali.

⁴¹Te Israel dabe tigidali bidaluali tǫ pedai, te augwaligo te hanu bidi sese si olama, te a naga me sela, te tama hanu 48 dali, te bulmakaugo tuabo wiegi yai nosai elalubo tǫ dali, te Livai hani sibi augwalibolo mani.

⁴²Te tigidali hanu deli delide tǫde te bulmakau dabego tubo nosai te pąde elaluali.

⁴³Tialima, Genuai Bidigo te tigidali tǫ pedai te Israel dabe augwaliba mani, te polobadu agai te augwa wąį dabebolo te bomo yai po dąų wali tiwai gilama yali. Tama te Israel dabe augwaligo te bulu tǫ selama, tama augwali tede bidali.

⁴⁴Tama Genuai Bidigo te boi pilama wiegi yai pemene ebo sogo augwalibolo mani, te agai augwa wąį dabe dali dąų wali po tiwai gilama yali. Te haniani boi bidi hani dabe augwali te Israel dabe tigidali badu bidai goli, tama Genuai Bidigo augwali tau siyu, tama augwaligo augwa boi bidi dabe tigidali aiyaba elaluama, tama te boi bidi dabe deli mego te augwali aiyaba elaluainu ebo te usu meni yani.