IKUƆ́ NÌÙBƐ̀ 20:7-16

⁷Ncɑ̃́ɑ̃́nnɛ̀ kɛ dò mpɑ́í pɑ́í mí ndi Yiɛ̀ nKuyie mmíì di te.

⁸Dí ntũ n tié nkɛ ndɔɔri n yɛ̃mmɛ̀ mí ndi Yiɛ̀ nKuyie mmíì di tɑ̃ɑ̃tɛ́ kɛ̀ di cɑ̃́ɑ̃́.

⁹Wèè sɑ̃̀ɑ̃́ nho cicɛ yoo o yɔ̃ bɛ̀ɛ ò kùɔ. Ò kùɔ omɑ́ɑ̀ ndi kɛ yɛ̃́ o sɑ̃̀ɑ̃́mmɛ̀ o cicɛ nwe yoo o yɔ̃.

¹⁰Kɛ̀ wèè duɔ́nɛ̀ otɔù pokù bɛ̀ɛ bɛ̀ kùɔ bɛdɛ́, wenwe nɛ̀ dɛ kóo nitipòkù.

¹¹Kòò mɔù duɔ́nɛ̀ o cicɛ pokù bɛ̀ɛ bɛ̀ kùɔ bɛdɛ́ wenwe nɛ̀ dɛ kóo nitipòkù. Bɛ̀ kùɔ bɛmɑ́ɑ̀ ndi.

¹²Kɛ̀ wèè duɔ́nɛ̀ o birɛ pokù ò dɔ̀ɔ̀ isɔkɛ nyi bɛ̀ɛ bɛ̀ kùɔ. Bɛ̀ kùɔ bɛmɑ́ɑ̀ ndi.

¹³Kòò mɔù duɔ́nɛ̀ onitidɔ̀ù bɛ̀ dɔunɛ̀mɛ̀ onitipòkù, bɛ̀ dɔ̀ɔ̀ isɔkɛ nyi, bɛ̀ɛ bɛ̀ kùɔ bɛdɛ́. Bɛ̀ kùɔ bɛmɑ́ɑ̀ ndi.

¹⁴Kòò mɔù po onitipòkù kɛ wɛ̃̀tɛ kɛ tùótɛ́ dɛ kóo nitipòkù yɔ̃, isɔkɛ nyi bɛ̀ɛ bɛ̀ cɔ́u nwenwe nɛ̀ dɛ kóo nitipòkù kɛ́dɛitɛ isɔkɛ di cuokɛ̀. Bɛ̀ kùɔ bɛmɑ́ɑ̀ ndi.

¹⁵Kòò mɔù duɔ́nɛ̀ fɛɔ̃̀fɛ̀ bɛ̀ɛ ò kùɔ kɛ́kuɔ dɛ kó fɛɔ̃̀fɛ̀.

¹⁶Kòo nitipòkù mɔù yóu kɛ̀ fɛɔ̃̀fɛ̀ ò duɔ́nɛ̀ bɛ̀ɛ ò kùɔ kɛ́kuɔnɛ̀ dɛ kó fɛɔ̃̀fɛ̀. Dɛ̀ kùɔ dɛmɑ́ɑ̀ ndi dɛdɛ́.