IEREMIA 37

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

¹Sedekia Iosia, Nebukadresara, Babulono pavapavana, ese Iuda tanona pavapavana ai e halaoa tauna, na Iuda ai e lohiava, Konia Iehoiakim gabuna ai.

²A ia bona ena hesiai taudia bona tano taudia ese Iehova ena hereva, peroveta tauna Ieremia uduna amo e gwaurai ḡaudia, na asie kamonaidia.

³King Sedekia ese Iehukala Selemia bona hahelaḡa tauna Sefania Maaseia na peroveta tauna Ieremia dekena e siaidia lao, eto, Iehova, eda Dirava, na ai daimai ai ba ḡuria.

⁴Una negana ai Ieremia na dounu taunimanima bogaragidiai e raka vareaiva e raka lasiva; badina be dibura rumana ai do asie koua.

⁵Farao ena tuari oreana na Aigupto amo vada e raka lasi; bena Kaldea taudia, Ierusalem e daia heḡeḡe oreana, ese haridia e kamonai negana ai, idia na Ierusalem amo e raka oho.

⁶Bena Iehova ena hereva na peroveta tauna Ieremia dekenai e kau, eto,

⁷Iehova, Israel Diravana, na ini e gwau tomamu: Iuda pavapavana, dekegu ai e siaimu ba nanadaigu totona tauna, na ini ba hamaoroa toma, baoto, A itaia, Farao ena tuari oreana, oi idurumu totona ema ḡauna, na be lou laomu, edia tano korikori Aigupto ai.

⁸Bena Kaldea taudia ma bae lou mai, ina hanua bae tuari henia, bae abia, bena lahi amo bae doua.

⁹Iehova na ini e gwau tomamu: Sibomui basio hekoi, basioto “Kaldea taudia na momokani dauhai bae noho”; badina be idia na dauhai basie noho.

¹⁰Badina be, ena be Kaldea taudia, e tuari henimuimu taudia, edia tuari oreana idoinai boma hadarerea, bona mai berodia taudia sibodia bema noho, ta ta ena kalaga ena kalaga ai, to idia na ben a tore isi, bena ina hanua na lahi ai bema doua.

¹¹Kaldea taudia edia tuari oreana na Ierusalem amo vada e raka oho, Farao ena tuari oreana e raka kahira negana ai.

¹²Bena Ieremia na Ierusalem ai e tore isi, Beniamina tanona bainela, unuseni ai ahuna do baine abia, taunimanima bogaragidiai.

¹³Ia na Beniamina Ikoukouna ai, bena hegima tauna ta, ladana Iria, Selemia Hanania natuna, ese peroveta tauna Ieremia e dabaia tao, eto, Oi na Kaldea taudia ediai bo hanaimu.

¹⁴Ieremia eto, Oi na o koikoimu; lau na Kaldea taudia ediai asina hanaimu. A Iria na se ura baine kamonai henia; bena ia ese Ieremia e dabaia tao, hanua lohiadia dekedia e laohaia.

¹⁵Hanua lohiadia ese Ieremia e badu henia lalo-dika; e dadabaia, bena toretore tauna Ionatan ena ruma ai e koua, badina be una ruma na dibura rumana ai vada e halaoa.

¹⁶Ieremia na dibura rumana ai e koua, bena dina hoho unuseni ai e nohova.

¹⁷Una murinai King Sedekia ese e boiria, bena e abia dae. Hanua pavapavana ese e nanadaia hehuni ena ruma ai, eto, Hereva ta na Iehova ena amo vada ema a?

¹⁸Ieremia eto, Oibe. Ma eto, Babulono pavapavana imana ai bae atomu. Ieremia ese danu King Sedekia e hamaoroa, eto, Oi eiava emu hesiai taudia eiava ina bese taudia na ede vada na hadikamui toma dainai dibura rumana ai vada o kougu?

¹⁹Emu peroveta taudia, e peroveta henimu eto “Babulono pavapavana basinema, oi bona ina tano basine tuari henimui” taudia na edeseni ai?

²⁰Pavapava e, egu lohia, mani emu kara a kamonai: egu noinoi, mai hematauraigu ida na gwauraiamu ḡauna, na emu ai baine kau; bena toretore tauna Ionatan ena ruma basio siaigu lao lou, unuseni ai baina mase na garina.

²¹Taunabunai King Sedekia e hahedua, bena Ieremia na hegima taudia edia magu ai e koua; bena dina ta ta ai flaoa igabu ta ta e henia, flaoa igabuna taudia edia ariara amo, ela bona hanua flaoana idoinai vada e ore. Taunabunai Ieremia na hegima taudia edia maḡu ai e nohova.