GUNALAIA TAUDIA 3:1-6

¹Lohiabada ese tano dekena amo idau bese taudia haida ia lulua lao lasi. Unai dala be Lohiabada ese ia havaraia, Israela taudia, Kanana dekenai nega ta do tuari lasi taudia, do ia tohoa totona, bona tuari dalana do ia hadibadia totona.

²Badina be Israela uru matamata uhau taudia haida be tuari dalana idia diba lasi.

³Tano dekenai do noho idau bese taudia be inai: Pilistia taudia edia lohia taudia 5, Kanana taudia ibounai, Sidono taudia, Hivi taudia, Lebanona Ororo dekenai idia noho, Bala Heremona dekena amo ela bona Hamata raka vareai gabuna.

⁴Lohiabada ese inai bese taudia Israela dekenai ia rakatania, ia ese Israela taudia do ia tohoa, iena Taravatu, Mose dekena amo edia sene taudia ia henia gauna, do idia badinaia o lasi.

⁵Unai dainai Israela taudia be Kanana taudia, Hiti taudia, Amoro taudia, Perisi taudia, Hivi taudia bona Iebusu taudia edia huanai idia noho.

⁶Idia ese unai bese taudia edia natudia kekeni idia adavaia, bona edia natudia kekeni be unai bese edia uhau taudia dekenai idia henia, do idia adavaia totona. Ma Israela taudia ese danu unai bese taudia edia dirava edia hesiai gaukara idia karaia.