Tukpɔɠaaleʋe Nuiti 3:1-6

¹Ziiti pɛtɛ, niiti Ɠɔoɠɔ GALAGI ti yɛni zooi zu, ga ti ɠɛ ga ʋoluɠula anii Izelayɛle ʋɛ, tiya ɠa ti la ɠɛni Kanaan yooi zo fai ma ɠɔɔi ta ɠɔɔni.

²Naa ɠɛ ungi ɠɛni ga ɠɛɠalama niinɛi, é wuzeɠezu Izelayɛle nuiti saama, niiti ti la kɔɔɠɔ vaa ɠwɛɛ, naati ti kɔɔɠɔ vai maalɛlɛ.

³Ɠɔoɠɔ GALAGI Filiseti nuiti ta-masada lɔɔlugɔi ma nuɓusɛiti zɛni zooi zu, ta Kanaan nuiti kpein, ta Sidɔn nuiti, ta Ɠeeve nuiti ti ɠɛni zeini Liɓan ɠizeiti ma, é zo Ɓaale-Ɠɛɛlemɔn gizei ma, eyɛsu é zeeli Leɓo-Ɠamate.

⁴Zooi naati ti ɠɛni ná, Izelayɛle ʋoluɠula vai ma, ni ta ɠolo deveiti bɛ, niiti Ɠɔoɠɔ GALAGI ti veeni ti-mɛmɛwolani zea ga Moize maaʋele.

⁵Izelayɛle nuiti ti zeini Kanaan nuiti saama, ta Ɠɛte nuiti, ta Amɔɔl nuiti, ta Feeleeze nuiti, ta Ɠeeve nuiti, ta Yeeɓuse nuiti.

⁶Ti zooi naati su nuiti ti-loun anzanuiti seini ga ti-anzaiti, ti ti-loun anzanuiti fe naati ti-loun zunuiti bɛ ga ti-anzaiti, ti ɗa ta-ɠalagiti dɛbi.