Judges 3:1-6

¹Ma aram, me pag SOMOL boch girdi’en e pi nam u lan fare binaw nge sikengnag yu Israel ni daro’ned ko pi mael ni un tay u Kanaan

²i rin’ ni arrogon ni fan e nge fil ngak e pi mfen nu Israel rogon e mael, ni rib ga’ ni fan ngak e pi’in ndawor ru’uned ko mael bingyal’.

³Tin ni magech u lan fare nam e fa lal i binaw ko Filistine, urngin yu Kanaan, nge yu Sidon, nge yu Hiv ni ur pired u lan fapi Burey nu Lebanon ni tabab ko Burey nu Baal Hermon me yan nge mada’ ko wo’ u thilin e burey u Hamath.

⁴Ni tayrad ni nge mang ba sikeng ngak yu Israel ni ngan guy ko yad ra fol ko pi motochiyel ni pi’ SOMOL u pa’ Moses ngak e pi chitamangirad kakrom fa dangay.

⁵Ma aram me par piyu Israel u fithik’ piyu Kanaan, Hitt, Amor, Peris, Hiv, nge piyu Jebus.

⁶Ur mabgolgad ma yad be tay fan e pi got rorad.