كِيتِسَيٍ 3:1-6

¹عَلَتَلَ نَشَ يِ سِيٍ لُ كَنَان بْشِ مَ عَلَكٌ عٍ شَ عِسِرَيِلَكَيٍ مَتٌ، نَشٍيٍ مُ نُ نَ فٍرٍ سِنفٍيٍ كٌلٌن.

²نَ رَبَشِ نّ عَلَكٌ عِسِرَيِلَ لَنقَنمَيٍ شَ نَ فٍرٍ شَ قٍ كٌلٌن، نَشٍيٍ مُ نُ عَ كٌلٌنشِ نُ.

³سِ نَشٍيٍ لُ كَنَان بْشِ مَ، نٍيٍ نَن يِ كِ؛ قِلِسِتَكَيٍ شَ مَنفّ سُولِ، كَنَانكَيٍ بِرِن، سِدْنكَيٍ، نُن هِوِكَيٍ نَشٍيٍ نُ سَبَتِشِ لِبَن فٍيَيٍ قَرِ، كٍلِقٍ بَلِ شٍرِ مٌن فٍيَ مَ، عَ سَ دْشْ شَمَتَ سٌدٍ دّ رَ.

⁴يِ سِيٍ لُ نّ نَا عَلَكٌ عَلَتَلَ شَ عِسِرَيِلَكَيٍ مَتٌ، عَ شَ عَ كٌلٌن شَ عٍ سَ بِرَ مَ عَ شَ سّرِيّ قْشْ رَ، عَ نَشَن سّبّ عٍ بَبَيٍ بّ عَننَبِ مُنسَ سَابُي رَ.

⁵عِسِرَيِلَكَيٍ نَشَ سَبَتِ كَنَانكَيٍ، شِتِكَيٍ، عَمٌرِكَيٍ، ثٍرِ سِكَيٍ، هِوِكَيٍ، نُن يٍبُسُكَيٍ تَفِ.

⁶عِسِرَيِلَكَيٍ نَشَ مّننِكَيٍ شَ دِ فِنّيٍ دْشْ، عٍ قَن نَشَ عٍ شَ دِ فِنّيٍ قِ مّننِكَيٍ شَ دِ شّمّيٍ مَ. عِسِرَيِلَكَيٍ مَن نَشَ عٍ شَ عَلَيٍ بَتُ.