Vuhuna 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Muri a nitane BAKOVI DAGI i bele ne Abram na vurena, i ta maea, “Abram, naha ni mangenge, iau a galeu vomu, ga rata kamumu hateka ioe.”

²Lakea e Abram i nana maea, “Bakovi Dagi, ioe a matakari na maki lobo, a ra go habia nau? Iau a bala e tugu. A viri bara i bole a murigu re Elieser o Damaskus.

³Ioe i uka ma o habia nau tara koma. A vora nau bara i bole lobo a mahala nau.”

⁴Muri a ngava ne BAKOVI DAGI i bele vona, “Ra bakovi iea i uka ma ge bole a murimu. E tumu muholi a viri bara i bole a murimu.”

⁵Muri e Bakovi Dagi i tuli talea e Abram i takia, “O mata rike na hunu, o toni ni gi lobo a hada nga.” Muri i takia, “E huriki a hamomu bara ri kupo manga a hada nga.”

⁶E BAKOVI DAGI i galea e Abram a bakovi malamala, a vuhuna i luhoi a nitana.

⁷I taki tabua e Abram, “Iau e BAKOVI DAGI. Iau kunana a bole tala ioe na tanga e Ur na robo e Kaldia, a habia vomu ra malala iea, ngane ge ne vomu liu.”

⁸Lakea e Abram i ta maea, “Bakovi Dagi, ioe a matakari na maki lobo, ga matakilala navia a malala iea ge ne nau?”

⁹Lakea a Vure i koli mulea, i ta maea, “O vano o bole valai a kinana bulmakau, a meme, a sipsip a toga. A pida ne tou ge tolu. O bole turana a balu tano, a balu havura.”

¹⁰Lakea e Abram i bole a maka maki nga, i habi na Vure. Muri i poka a maka maki nga, i bale ruarua. Pali a kadirovo i rua i uka ma i poka.

¹¹Muri i valai a maka loha ta ri gi gogo a maka kania nga, pali e Abram i lili tala ria.

¹²I tabukoi ge rolo a haro, i mahita mate e Abram, lakea a uvo vatubi i kavitagua, i ratea i mangenge hateka.

¹³Lakea e BAKOVI DAGI i takia, “Muholi hateka, e huriki a hamomu bara ria a mosi na robo basi tara, bara ni vakavora, ni vakamadihi ria na pida i 400.

¹⁴Pali iau bara ratapilea a tanga ra i vakavora ria, muri bara ri pagitala turana a mahala i kupo.

¹⁵Pali ioe bara o made na nivalemu ge harena na tahuna o gare liu vona, o mate, ni tanu.

¹⁶E huriki a hamomu ri vakatubu ne kukulima, bara ri hamule valai koea muri ma. Pali i uka ma ge ioe, a vuhuna a naro hale ne huriki a Amor i uka ma i hale hateka ma.”

¹⁷I rolo pali a haro, i bele a uvo lakea i bele a hubena kanono turana a ulo i vona a pokona, ru tabuli na kurukuruna kania.

¹⁸Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

¹⁹turana a maka robo na kabu ne Ken, ne Kenis, ne Kadmon,

²⁰ne Hiti, ne Peres, ne Repaim,

²¹ne Amor, ne Kenan, ne Girgas, ne Iebus.”