FƐCANYƐ̀NFƐ̀ 4:11-15

¹¹M pocɛ̃nnì ɑ bìɛ̀ n wɛ̀ɛtimu, mɛcekùɔ̀ ndòmmɛ̀, ɑ nɔ́ndɛnkù dò nkù ɑ̃ mɛcekùɔ̀ mmɛ nɛ̀ mɛnɑɑmiɛ̀, ɑ yɑɑ̀bòrɛ̀ fɔ̃ɔ̃ku dònnɛ̀ kutúúkù Dimɑɑ kó kufɔ̃ɔ̃ku nku.

¹²N tɑ̃ũ̀, m pocɛ̃nnì, ɑ dònnɛ̀ dikũmpúrì sɑ̀ɑ̀rì ndi dìì dìti, m mɑ́ɑ̀ n kó tɛbintɛ, m mɑ́ɑ̀ n kó dinɛ́bòrì.

¹³A boomu kɛ dònnɛ̀ dɛtie mbɛ̀ tu dɛ̀ kèdènɑ́tì dɛ̀ɛ̀ bo kupúú sɑ̀ɑ̀kù, kɛ pɛí yɛbɛ kɛ̀ yɛ̀ nɑɑti, kɑ̀ɑ fɔ̃ɔ̃ku dònnɛ̀ tùdɑ̀ɑ̀rí bɛ̀ tu wè ɛdéè.

¹⁴A kó kufɔ̃ɔ̃ku dònnɛ̀ tùdɑ̀ɑ̀rí bɛ̀ dɔ̀ɔ̀nɛ̀ wè nwe dɛtie mbɛ̀ tu dɛ̀ nɑ́ɑ́rì nɛ̀ dodiè nɛ̀ kɑ̀nɛ́dì nɛ̀ míírì nɛ̀ ɑ̀dòwɛ́ɛ̀ nɛ̀ dɛtɛrɛ̀ dɛ̀ɛ̀ kó dimɑ̀ɑ̀ fɔ̃̀ɔ̃́tí.

¹⁵Kɛ dònnɛ̀ kupúú kó tɛbintɛ, kɛ dònnɛ̀ mɛnɛ́sɑ̀ɑ̀mɛ̀ kó tɛmintɛ tɛ̀ɛ̀ pũɔ̃̀nní Dimɑɑ túúkù kó ditennì.