FƐCANYƐ̀NFƐ̀ 2:11-14

¹¹Diyɔ̃ɔ̃̀ dèèmu, fɛtɑɑfɛ̀ tɛ̃́nkɛ í niu, fɛtɑɑfɛ̀ kòmmu,

¹²ti kó kɛtenkɛ̀ dɛtie mpòrímu, iyiɛ nkó dimɔ̀nnì diì tùɔ̀kɛ, kɛ̀ ti yo tɛnɔ́nkpetɛ dɑbònnì ti ɛì miɛkɛ.

¹³Dɛtie mbɛ̀ tu dɛ̀ fìkíè pɛitɛ́mu yɛbɛ ketiyɛ̀, dɛtɛrɛ̀ bɛ̀ tu dɛ̀ fínyĩ̀ kɛ̀ dɛ póó nkó kufɔ̃ɔ̃ku yiɛ̀ ítɛ́ fɔ̃́ n cɑ̀ɑ̀, m pocɛ̃nnì kɔtɛní.

¹⁴N kó fɛpoduonfɛ fɛ̀ɛ̀ yĩɛ̃́ n yɛpèrɛ̀ fíè, kɛ sɔri itɑ̃yiɛ mmiɛkɛ, m bɛnkɛ ɑ ììkɛ̀, bɛ́i nkɛ̀ n kèè ɑ tɑmmɛ̀, ɑ tɑmmɛ̀ wɛ̀ɛ̀timu, kɑ̀ɑ ììkɛ̀ wenni.