Ezequiel 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Deunni, anmar birgabakebakgus Babiloniaʼgi-bukwadgine, gaka nii-warambegwad-ibambegine, Bab-Jehová weyob anga sokalid:

²“Dule-machi, emi-iba-naid be narmake, ar Babilonia-e-rey Jerusalén-dulemargi-bila-onogega emi-ibagi Jerusalén-ebiris bukwad.

³We-dulemar-uayasulidamaladga burbar-sunmakleged be soge. Bab-Jehová-Bela-Gangued-Nikadi, weyob sogye ega be soge: ‘Sooyagi bormo be onakwe, bormoyagi dii be eogo.

⁴Bormoyagi sanmar-goamakaled be obato, e-dua-sanmar-bur-nuegan, e-yarganmar-bur-nuegan be obato. Degi, e-garmar-bur-nuegan bormoyagi be obatebalo.

⁵Sibad-wawaad-wardadagwad be suo. Nue dii gwakwarmakegala, bormo-urba sapanmar be yoe-yoe sao, adi, garmar ise-akwiguar guegar.’ ”

⁶Ar Bab-Jehová-Bela-Gangued-Nikadi weyob soged: “¡Neggwebur-ablis-eoged, be wiles! Bormo-saamechadyob be siid, be-saamechad geg elileged. Yamo ise-dakarsuli, gwa-gwagwen san-goagan-bormoyagi-bukwad be sue.

⁷”Ar neggweburgi dulemar-ibe-ablis-eolesgusadi, yaisur naid. Ar ade, akwa-dummad-birgi ablis milesad. Ukubba ablis-oubogega, napagi ablis-eossurmalad.

⁸An sae-itogegala, an buged-mai imakegala, ablis-eolesad akwa-dummad-birgi-dinguega an imakoed.”

⁹Degisoggu, Bab-Jehová-Bela-Gangued-Nikadi weyob soged: “¡Neggwebur-ablis-eoged, be wiles! An bela-belad soo duurmaksii imakoed.

¹⁰Sapanmar gatik odunnumaksii an saoed, san ise-akwiguarguega, an soo ogaoed. Bela san-nis dinnaa guedse an imakoed, degi, bela garmar gummakedse an saoed.

¹¹Geb sorbali, sooyagi bormo-ollogwad an sioed, adi, bormo sooba ginnitibi sigegar. Degidbali, e-satemaksiid surgudoed, e-saamechad bergudoed.

¹²Ar we-bormo bela-bela saamechasoggu, amba sooginbela geg osuloleged.

¹³”Jerusalén-neggwebur, be-galagwensuli-gudigusad an bega elibi gusanad, ar bedi bega-elied gwen abessulid. A-ulale, an-sae-itogedba-sabsur-be-odurdakoed-sorbali, geb be swilidik gunonisunnoed.

¹⁴”Ani an Bab-Jehová-guedi we-ibmar soged. An we-ibmar imakedsegad. An-sunnad an imakoed, an sikirmakosulid. An wile-be-dakosulid, deginbali, an ibmar-sogsad an gannar-osulogosurbalid. Be-daedba, be-ibmar-imakedba an bega igar-nabogoed. Ani an Bab-Jehová-Bela-Gangued-Nikadi weyob soged.”

¹⁵Bab-Jehová anga sogdebalid:

¹⁶“Dule-machi, be-ome na be bela-bela-binasogdiid ukiagwale, an be-ibe suoed. Melle be boo, melle be naibi itogo, degi, melle be ibyanis eobalo.

¹⁷Unnila, gwage-ulubgi be nunmak itogo, melle be burgwismaladba nunmak itogo, mor-gurgin-bipirmakaled nonogi be sio, sapat be yoo, melle wagar-emurkwaa be imako, degi, melle dule-burgwedgi-masgulleged be gunbalo.”

¹⁸Wakdaradba dulemarga an sunmaksagua, sedogidba an-ome burgwisad. Bangine, anga-ibmar-soglesadba, an ibmar imaksad.

¹⁹Dulemar anga sokalid: —Anmarga be soge, be weyob-daedi, ¿ibi anmarga obare?

²⁰Geb dulemarga an sogde gusad: —Bab-Jehová weyob anga sogsad, weyob anga igar uksabalid.

²¹Israel-dulemarga iduakwaa ibmar be sogo, weyob Bab-Jehová-Bela-Gangued-Nikadi sogye: ” ‘Anse-goled-nega an obelogoye. We-nega bemar-gangued-dummarba-imaked-negad. Na be we-neg yeer dakdimalad. Na be we-negbina bela-bela-sogdimaladi, an obelogoye. Degi, Jerusalénʼgi be machimala-obes alidi, bunamala-obes alidi, es-suidgi burgwemaloye.’ ”

²²Emide, bemar anyopira imakmarmogoed: Wagar-emurkwaa be imakosurmalad, dule-burgwedgi-masgulleged be gunnosurmarbalid.

²³Mor-gurgin-bipirmakaled nonogi be simaloed, sapat be yomaloed, be boosurmalad, be naibi itogosumarbalid. Ar be-isgued-ular, be bergumaloed. Na be muchub-muchub wiles-gornanai gumaloed.

²⁴Bab-Jehová sogdebalid: “Ezequiel bemarga wilubga guoed. Ezequiel-ibmar-imaksayob be samarmogoed. Ar ibmar weyob gusale, bemar wisgumaloed, ani an Bab-Jehová-Bela-Gangued-Nikadi gue.

²⁵”Dule-machi-Ezequiel, anse-goled-neg an obelogoed. We-nega we-dulemar-gangued-dummarba-imaked-negad. Na we-dulemar, we-neg yeer dakdimalad. We-dulemar, we-negbina bela-bela-sogdimaladi, an obelogoed. Degi, Jerusalénʼgi e-machimala-besmaladi, e-bunamala-besmaladi, es-suidgi anse oburgwilegoed. Deyob-neg-guoed-ibagine,

²⁶dule-gwensak-wakinnoedi bega gayaburba sognonikoed.

²⁷A-ibagine, be-gwabin bega nollomakdoed, geb nabir be sunmakdoed. Geb degine, dule-wakicha-nonikidbo be sunmakoed. Wemarga be wilubga guoed, degidbali, na wisgumaloed, ani an Bab-Jehová gue.”