1Paloda o RAJ phenďa le Mojžišoske the le rašaske Eleazaroske, saveske sas dad o Aron:
2“Zgen savore Izraelike muršen pal lengere fajti. Pisin andre savoren phureder sar biš (20) berš, save pes džanen te marel.”
3Avke pro Moabike rovini pro vichodos le Jordanostar anglo Jericho o Mojžiš the o Eleazar phende le Izraelike vodcenge:
4“Zgenen savore Izraelike muršen phurederen sar biš berš, avke sar o RAJ prikazinďa le Mojžišoske.” Kala hine ola Izraeliti, save avle avri andral o Egipt:
5Le Rubenoskere, savo sas ešebno (peršo) čhavo le Izraeloskero, sas kala potomki: le Chanochostar, e Chanochoskeri fajta; le Palluostar, e Palluoskeri fajta;