2 KINANƆ 17:28-34

²⁸Ben Samaria sa'orinↄ doke ɛ̀ara à tà gwe à vɛ̃̀ɛ Bɛtɛli. À dàda gbɛ̃nↄnɛ dian aↄ̃é kɛ nà wà dↄnzi kɛ Diinɛ.

²⁹Gurↄ beeea gbɛ̃ kɛ̀ aↄ̃ mↄ̀ wà vɛ̃̀ɛ wɛ́tɛ pìnↄ guunↄ, bori píngi kↄ̃n a tãao, ben aↄ̃ ń tãa pìnↄ taka kɛ̀ aↄ̃ↄ pɛ̀ɛpɛɛ tãagbãgbãkii kɛ̀ Isarailinↄↄ bònↄ kpɛ́nↄn.

³⁰Babilↄnudeenↄ Sukobenↄti tãa kɛ̀, Kutadeenↄ Nɛgali tãa kɛ̀, Amatadeenↄ Asima tãa kɛ̀,

³¹Avadeenↄ Nibazi kↄ̃n Tatakio tãa kɛ̀, Sefavaimudeenↄ sa'opↄ kɛ̀ wè ká tɛ́n à tɛ́ kũ ò kↄ̃n ń nɛ́nↄ ń tãa Adaramɛlɛkia kↄ̃n Anamɛlɛkio.

³²Ben aↄ̃ ɛ̀ara wà dↄnzi kɛ̀ Diinɛ dↄ. Gbɛ̃nↄ diɛna tãagbãgbãkii pìnↄ sa'orinↄ ũ tɛ̃̀ vĩńnɛro, ben aↄ̃ègↄ̃ saa oońnɛ tãagbãgbãkii pìnↄ kpɛ́nↄ guu.

³³Aↄ̃ dↄnzi kɛ̀ Diinɛ, ben aↄ̃ↄe ń tãanↄ gbãgbãa lán bùsu kɛ̀ aↄ̃ bↄ̀n fɛɛakaarayã dɛ nà.

³⁴Lɛn aↄ̃ ń fɛɛakaarayã kũna lɛ ai kↄ̃n a gbã̀ao. Aↄ̃ↄe vĩa kɛ Diinɛro, zaakɛ aↄ̃è à ↄdↄkii gwaro, aↄ̃ègↄ̃ à yãdannɛna kũnaro ke à doka ke yã kɛ̀ à dìɛ Yakubu kɛ̀ à ɛ̀ara à tↄ́ kpànɛ Isaraili boriinↄnɛnↄo.