1Káaku gĩa ma lɛ́ dàmma, à adua kɛ gbɛ̃ sĩnda pínkinɛ à zɛ́ gbɛkańnɛ, à kútɛ kɛ Ludanɛ ń yãi kũ sáabukpanaao.
2À adua kɛ kínanↄnɛ kũ gbãnadenↄ ń pínki, de ò le ògↄ̃ kun aafia yãkete sari ludayãmarinↄ ũ, ó kunna gↄ̃ bɛ̀ɛrɛ vĩ.
3Abirekũ mɛ́ à mana, àdi ká Luda ó Surabarin.
4À ye gbɛ̃ sĩnda pínki surabana le ògↄ̃ yãpura dↄ̃.
5Zaakũ Luda mɛ̀n domɛ, akũsↄ̃ yãkɛkɛri kun mɛ̀n do Luda kũ bisãsirinↄ dagura, àkũmɛ bisãsiri Kirisi Yesu ũ.
6À a zĩda kpà à gbɛ̃ sĩnda pínki bò, akũ ò a sèedaa kɛ̀ a gↄrↄa.
7Abire yãi Luda ma ditɛ a kpàkpakɛri kũ a zĩ̀riio ũ, de mà a donyĩ zɛ́ yãpurade da buri pãndenↄnɛ. Yãpuran matɛn o, adi kɛ ɛ́kɛnlo.
8Má ye gↄ̃gbɛ̃nↄ adua kɛ gu sĩnda pínkia, ò ↄ sɛ́ musu gbãsĩ sari, pↄfɛ̃ kũ lɛ́kpakↄ̃anaao sari.
9Má ye dↄ nↄgbɛ̃nↄ ń zĩda kɛkɛ a zɛ́a yↄ̃̀gↄ̃kɛnaa sari, zĩdamↄnnɛnaa baasi. Adi kɛ kũ mì yↄ̃̀gↄ̃de tãnaao ke wura kũ òso nↄmanablebↄnↄ ke biza ↄgↄdenↄonlo.
10Ò ń zĩda kɛkɛ kũ yãmanakɛnaao lákũ à kũ̀ nↄgbɛ̃ donyĩrinↄ kɛ nà.
11Nↄgbɛ̃nↄ yã dada yĩtɛna, ò mì natɛ yã sĩnda pínki gũn.
12Madì we nↄgbɛ̃nↄ yã dada gↄ̃gbɛ̃nↄnɛ ke ògↄ̃ iko vĩḿmaro, séde ògↄ̃ yĩtɛna kítikiti.
13Zaakũ Adamun Luda kɛ̀ káaku, a gbɛra Awau.
14Adi kɛ Adamun ò sã̀tɛro, nↄgbɛ̃n ò sã̀tɛ à gↄ̃̀ taaride ũ.
15Ama tó nↄgbɛ̃nↄ mɛna fↄ̃̀ kũ ludanaanikɛnaao kũ yenyĩo kũ kúadonaao zĩdamↄnnɛnaa baasi, oni nɛ́ i aafia.
