1 KINANƆ 3:8-16

⁸Makũ n zↄ̀blerii, má kú n gbɛ̃ kũ n sɛ̀nↄ tɛ́. Ó dasi, oni fↄ̃ ò ń naro ò ń lɛ́ dↄ̃ro.

⁹Ǹ makũ n zↄ̀bleri gba ↄ̃ndↄ̃, de màgↄ̃ yã gↄ̃gↄ̃ n gbɛ̃nↄnɛ a zɛ́a, màgↄ̃ a mana dↄ̃kↄ̃nɛ kũ a vãnio. Tó lɛnlo, deran mani kɛ nà mà yã gↄ̃gↄ̃ n gbɛ̃ dasi pìnↄnɛɛ?

¹⁰Yã kũ Sulemanu wɛ́ kɛ̀ɛ pìi kɛ̀ Dikirinɛ,

¹¹akũ à pìnɛ: Zaakũ yã kũ n wɛ́ kɛ̀n gwe, ńdi wɛ̃̀ndi gbã̀na wɛ́ kɛro ke aruzɛkɛ ke n ibɛrɛnↄ ga, séde yãgↄ̃gↄ̃na a zɛ́a dↄ̃nan n wɛ́ kɛ̀,

¹²mani kɛ lákũ n wɛ́ kɛ̀ nà, mani n gba ↄ̃ndↄ̃ kũ wɛ́zɛ̃o. Gbɛ̃ ke kun n ã ke n gbɛra kũ anigↄ̃ ↄ̃ndↄ̃ lán n bàro.

¹³Mani pↄ́ kũ ńdi wɛ́ kɛro kpámma dↄ. Mani n gba aruzɛkɛ kũ gakurio pínki ari n wɛ̃̀ndi lɛ́n. Kína ke ni ká n ũro.

¹⁴Tó ń tɛ́mai, akũsↄ̃ ń ma yã'onnɛnanↄ kũ ma yãditɛnanↄ kũna lákũ n de Dauda kũna nà, mani n wɛ̃̀ndi dↄnnɛ kũ mↄ̀kakↄ̃anaao.

¹⁵Akũ Sulemanu vù, à è kũ nanan a ò. Akũ à tà Yurusalɛmu, à gɛ̀ɛ à zɛ̀ Dikiri bàka kunna kũ Isarailanↄ àkpati arɛ, à sa'opↄ kũ òdi ká tɛ́n à tɛ́ kũnↄ kũ kɛnnakũkↄ̃o sa'opↄnↄ ò gwe, akũ à pↄnna pↄ́ble kɛ̀ a ìbanↄnɛ.

¹⁶Zĩkea karua gbɛ̃nↄn pla kenↄ sù Sulemanu kĩnaa, ò zɛ̀ a arɛ.