1 Hadì 3:8-16

⁸Ne ǥuntaan kayi a zuma te pinilì nu he menge etew he kenà egkevilang tenged te kahabet dan.

⁹Umbe, beǥayi a te ketau te kedumala kayi te menge etew nu wey te kedsavut ke hengkey is meupiya wey ke hengkey is mezaat. Su iyan dà heeyan ibpekehimu ku te kedumala kayi te menge etew nu he utew mahabet.”

¹⁰Ingkelipey te Nengazen haazà is mibuyù ni Solomon.

¹¹Umbe, migkaǥi is Megbevayà diyà te kandin te, “Tenged te iyan nu mibuyù is ketau te kedumala te menge etew ku, ne wazè nu iyan buyua is meluǥayad he untung etawa ketiǥeyunan etawa kemetayan te menge kuntada nu,

¹²ibeǥey ku kenikew is mibuyù nu. Ebeǥayan ku sikew te ketau wey kedsavut he wazè pa maangken te minsan hentei he nehuna kenikew wey egkehuziyan kenikew.

¹³Ibeǥey ku zaan kenikew is wazè nu vuyua, he iyan is ketiǥeyunan wey zengeg, su para wazà duma he hadì he ebpekerepeng kenikew seled te tivuuk he untung nu.

¹⁴Ne emun edsunuzen nu is menge paaǥi ku wey edtumanen nu is ibpetuman ku he menge sulunuzen wey menge suǥù iring te mid-ulaula te amey nu he si David, ebeǥayan ku sikew te meluǥayad he untung.”

¹⁵Nepukew si Solomon, ne zutun neisip-isip din he nekidlalag kandin is Nengazen pinaaǥi te teǥeinep. Te kedlikù ni Solomon diyà te Jerusalem, midhitindeg sikandin diyà te etuvangan duen te Kavan te Kebpekid-uyun te Nengazen, ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne midhimu sikandin te keemuran para te langun he menge upisyal zin.

¹⁶Ne zutun, duen dezuwa he vahi he terebahu zan is kebelegyà te zengeg dan he midhendiyà te ki Hadì Solomon.