भजन संग्रह 88:9-14

⁹सुर्ता पतीके आं मिक्‍च ब्रा ब्रा दुम्‍ती। परमप्रभु यावे, गो नाक्‍त किंत किंत इन कली पुंइना पुंइन बाक्‍नुङ। मिनु इन नेंमी आं गुइ पोक्‍नुङ।

¹⁰मार, गे बेक्‍शो मुर आन कली छक लाक्‍चा ङा गेय पाइनीनी? मार, मेको बेक्‍शो मुरपुकीम बोक्‍शा, इन कली ठेयब सेल्‍नीमी? ठेयब सेंदा पा।भजन संग्रह ६:६; यसैया ३८:१८

¹¹मार, गे इन गेना हना यो दाक्‍तीके आ पर्बम बेक्‍शो मुर आन बाक्‍तीकेमी लोव़ पाइनीमी? इन दाक्‍शा मप्रोंइतीके आ पर्बम तुरसुम शेंनीमी?

¹²मार, इन छक लाक्‍चा ङा गेय छिङछिङमी तुइक्‍नीमी? इन श्‍येत रे प्रोंइतीके बेक्‍शो मुर आन दातेमी तुइक्‍नीमी ङा?

¹³परमप्रभु यावे, गो चहिं सुनी कना इन कली लोव़ पाइनुङ।

¹⁴परमप्रभु यावे, गे आं कली मारदे प्रोंइ‍यीनी? मारदे इन कुल ख्रुइक्‍तीनी?