6गे आंइ कली आंइ नेक्था ङा मुर आन कली जीब सेल्शो बाक्तीनी। मिनु आंइ जोरी सत्रुमी आंइ कली शुक्शी पाइब सेल्तीनी।
7मुर नेल्ल आन परमप्रभु, आंइ कली लेंशा सेल्की। इन कुल ङा छेङछेङ आंइ तार वोतीन। मिनु गो ब्रोंइने चाप्कल।
8गे इजीप्त रे अङगुर बोट का चाक्तीनी। मिनु रागी रागी ङा मुर आन कली खेरशा, मेको ख्रुम्तीनी। यसैया ५:१-७; येरमीया २:२१
9गे मेकेर मेको कली ख्रुम्तीक रू का सेल्तीनी। मिनु मेको शाक्श थोक्शा, रागी नेल्ल ब्रीत।
10पहाड नेल्ल मेको आ वांकुम सुम्साक्म। मिनु मेको आ लाइश्शो परमप्रभु आ राशीम रवा नेल्ल सुम्साक्म।
11मेको आ राशी समुन्द्र सम्म जाक्दीत्तेक्म। मिनु मेको आ कोच्वा चहिं ठेयब खोला सम्म जाक्दीत्तेक्म। होसे १०:१
12मारदे गे मेको आन गारो प्रेन्नी? मेकेर गाक्ब नेल्लेमी मेको आ फल सेक्नीम।
13ब्वाकी ङा पोव़पुकीमी मेको कली खतम पोक्नीम। मिनु ब्वाकी ङा जन्तुपुकी मेकेर जोइनीम।
14मुर नेल्ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। होसे ११:१
भजन संग्रह 80
भजन संग्रह 80:6-14