10पहाड नेल्ल मेको आ वांकुम सुम्साक्म। मिनु मेको आ लाइश्शो परमप्रभु आ राशीम रवा नेल्ल सुम्साक्म।
11मेको आ राशी समुन्द्र सम्म जाक्दीत्तेक्म। मिनु मेको आ कोच्वा चहिं ठेयब खोला सम्म जाक्दीत्तेक्म। होसे १०:१
12मारदे गे मेको आन गारो प्रेन्नी? मेकेर गाक्ब नेल्लेमी मेको आ फल सेक्नीम।
13ब्वाकी ङा पोव़पुकीमी मेको कली खतम पोक्नीम। मिनु ब्वाकी ङा जन्तुपुकी मेकेर जोइनीम।
14मुर नेल्ल आन परमप्रभु, आंइ कली कोव़ङीन। सरीङ रे उइ कोव़ङीन। मेको अङगुर बोट कली कोव़ङीन। होसे ११:१
15इन सक्तिमी ख्रुम्शो बोट कली कोव़ङीन। गे इन तौ इन कली कोल्पाइक्तीनी।
16आंइ जोरी सत्रुमी मेको कली तुल्शा, मीम चोम्तेक्म। मेकोपुकी इन हुइश्शोमी खतम दुम्मल। इजीकीएल १५:२-४
17इन ग्युरा गे बाक्ब मुर आ तारी इन गुइ लील। मेको कली थुल्शा कोल्पाइक्तीनी।
18मिनु गो इन ङोंइती रे गेनायो नोले मशोंइसीनीकी। आंइ कली ब्रोंइचा गेकी। मिनु गो इन नें थिशा, प्रार्थना पाइनीकी।
19परमप्रभु यावे, मुर नेल्ल आन परमप्रभु, आंइ कली लेंशा सेल्की। इन कुल ङा छेङछेङ आंइ तार वोतीन। मिनु गो ब्रोंइनीकी।
भजन संग्रह 80
भजन संग्रह 80:10-19