5नां तास्ला बाक्सा सम्म नु मुर नेल्ल आन पाला सम्म मेको ब्रोंइशा बाक्ल।
6मिनु मेको घांस रिक्शो दिंममी रेउ यिशो खोदेंशो दुम्ल। रेउमी रागी कली जिप्पाइश्शो खोदेंशो दुम्ल।
7मेको आ पालामी मुर आन दातेमी ठीक पतीके ठेयब दुम्ल। मिनु तास्ला लीम सम्म मुर आन थुं नाइक्तीक दुम्ल।
8मेकोमी समुन्द्र का रे अर्को समुन्द्र सम्म नु ठेयब खोला रे रागी आ सुर सम्म सासन पवल। जकरिया ९:१०
9गोरशो रागी ङा मुरपुकी मेको आ ङोंइती बाम्मल। मिनु आ जोरी सत्रुमी फुरक तुक्गमेक्ल।
10टारशीश नु ङोन ङा टापु ङा पिपपुकीमी मेको कली तिरो थाप्तमेक्ल। शेबा नु सेबा ङा पिपपुकीमी मेको कली कोसेली चाक्गमेक्ल। यसैया ६०:९; भजन संग्रह ६८:३०; १राजा १०:१-२
11पिप नेल्ल मेको आ ङोंइती बाम्मल। मिनु रागी रागी ङा मुर नेल्लेमी मेको कली गेय पामेक्ल।