4आं कली मोशा काइ मदाक्बपुकी आं चां क्येङा यो शुश बाक्नीम। मिनु मेकोपुकी मोशा आं जोरी सत्रु दुम्शो बाक्नीम। मेकोपुकीमी आं कली साइक्चा माल्शो बाक्नीम। आं मरोइश्शो मार मार थोव़क, मेकोपुकीमी ‘लेत्तो’ देंनीम। यूहन्ना १५:२५
5परमप्रभु, गे आं दूली पशो तुइश्शो बाक्नीनी। आं दोस इन ङोंइती मख्रुइश्शो बाक्ब।
6इन कली आस पाइबपुकी आं पतीके मुने मदोक्मल। परमप्रभु, मुर नेल्ल आन परमप्रभु यावे, इन कली माल्बपुकी आं पतीके मुने मदोक्मल। गे इस्राएली आन परमप्रभु बाक्नीनी।
7गो इन पर्बम शुक्शी पाइक्चा पुंइसीनुङ। मिनु मुनेमी आं कुल सुम्सीशो बाक्नुङ। भजन संग्रह ४४:२३
8गो आं लोक्ब आन दातेमी मतुइश्शो मुर खोदेंशो दुम्शो बाक्नुङ। गो आं ममा आ तौ आंइ दातेमी अर्को रागी ङा मुर खोदेंशो दुम्ती। भजन संग्रह ३८:१२
9मारदे हना इन खिं कली दाक्तीके नाक्त किंत किंत आं ङोंइती बाक्ब। इन कली पशो शुक्शी आं कली दुम्त। भजन संग्रह ११९:१३९; यूहन्ना २:१७; रोमी १५:३
भजन संग्रह 69
भजन संग्रह 69:4-9