भजन संग्रह 68:11-16

¹¹परमप्रभुमी आ लोव़ नेंपाइक्‍तु। मिनु मेको लोव़ शेंब मीश मुर शुश दुम्‍तेक्‍म। यसैया ५२:७

¹²लडाइ पाइब आन पिप हिंशा दाम दाम पा प्रोक्‍नीम। मिनु मीश मुरपुकीमी मेको प्रोक्‍ब आन प्रोंइशो मारेइ मारेइ योक्‍सीनीम।

¹³गे चहिं भेडा आन दातेमी इप्‍चा दाक्‍नीनी? चांदीम गिल्‍शो फ्रां पाइश्‍शो ढुकुर बाक्‍ब। मिनु आ ओफ्‍लापुकी टल्‍केशो सुनमी गिल्‍शो बाक्‍नीम।

¹⁴मिनु नेल्‍ल क्‍येङा सक्ति पाइश्‍शोमी पिप आन कली ब्रपाइक्‍ची ना सल्‍मोन डांडामी फुं यिपाइक्‍तु। न्‍यायाधीस ५:१६

¹⁵बाशान ङा डांडा परमप्रभु आ डांडा बाक्‍ब। मेको थम ठेयब बाक्‍ब। मेकेर डांडा शुश बाक्‍नीम।

¹⁶गे शुश डांडा पाइश्‍शो पहाड, मारदे गे परमप्रभु आ सासन पचा कली योव़शो डांडा गे कोव़शा, गेहे पाइनीनी? मेकेर परमप्रभु गेना हना यो बाक्‍ब। भजन संग्रह १३२:१३