4गो मारेइ मरिम्शो मपथु, मेकोपुकीमी आं कली साइक्चा चिक्शो बाक्नीम। आं श्येत जशो कोव़ङीन। मिनु वारच पाइक्चा कली बोक्कीन।
5परमप्रभु यावे, मुर नेल्ल आन परमप्रभु, इस्राएल आ परमप्रभु, रागी रागी आन कली सजाइ गेचा कली बोक्कीन। इन कली प्रोंइशा, मरिम्शो पाइब आन कली काइ शिशी मपने। ठेयब सेंदा पा।
6नाक्दो कुस कुस मेकोपुकी सहर आ एर ओंथ कुचुम खोदेंशो पा ङरर ङरर पा हिरसीनीम।
7मेकोपुकीमी आन शोव़ रे मार ग्रुंइबाक्मा? मेकोपुकीमी साइक्चा ङा लोव़ पाइनीम। मिनु मेकोपुकीमी “सुम नेंबा ङा” देंनीम।
8तन्न परमप्रभु यावे, गे मेको आन पर्बम रित्नीनी। गे रागी रागी नेल्ल आन पर्बम रित्नीनी।
9गे आं सक्ति बाक्नीनी। गो इन कली ठेयब सेल्शा कुम्सो पाइनुङ। परमप्रभु, गे आं बोल्यो दरवार बाक्नीनी। भजन संग्रह ९:१०-११
10परमप्रभुम आं कली गेना हना यो दाक्तीकेम ग्रुम्ब। मिनु मेकोमी आं कली आं जोरी सत्रु आन कली ग्रापाइक्ब।
भजन संग्रह 59
भजन संग्रह 59:4-10