8बेक्चा रे ब्रोंइतीक शुश ठेयब बाक्ब। मेको मुरुम गेनायो ग्याप्ने मचाप्नीम। मत्ती १६:२६
9गेना हना यो ब्रोंइशा बाक्ब, सुइ मबाक्नीम। मुर नेल्ले थिम्चा पुंइसीनीम।
10मिनु नेल्लेमी जोक्ब तुइक्ब मुर, मूर्ख नु मिम्तीक मपाइश्शो नेल्ल बेक्नीम, दे तुइश्शो बाक्नीम। मिनु आन शुश क्येट नेल्ल अरु आन कली प्रोंइशा लाइनीम। उपदेसक २:१६; उपदेसक ६:२
11मिनु आन तुरस गेना हना यो मेको आन खिं दुम्ब। मोदेंशो पाला नेल्ल आन कली दुम्ब। मिनु मेकोपुकीमी आन नें आन रू कली वोइश्शो बाक्तेक्म हना यो, मोदेंशो दुम्नीम।
12गिश क्येट थीब बाक्तेक्म हना यो, मुरपुकी मलीनीम। मेकोपुकी बेक्शा लाइब जन्तु खोदेंशो बाक्नीम। उपदेसक ३:१९
13आंम आन मिम्शो थमा सुइक्ब नु मेको आन लोव़ नेंशा, ग्येरसीब मेको आन नोले ङा मुर यो मोदेंशो दुम्नीम। ठेयब सेंदा पा।