9तन्न गे आंइ कली प्रोंइशा, श्येत जपाइक्तीनी। मिनु गे आंइ लडाइ पाइब नु मलनी।
10मिनु गे आंइ कली आंइ जोरी सत्रु आन क्येङा ब्रुपाइक्तीनी। मिनु आंइ कली मदाक्बपुकीमी आंइ मार मार रोइश्शा लाइक्तेक्म।
11गे आंइ कली क्योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्तीनी।
12गे इन मुर आन कली मोशा लेयतीनी। मिनु मेको आन कली लेयशा, मारेइ ताक्चा थुं मपनी।
13आंइ नेक्था ङा मुर आन ङोंइती आंइ कली गाइश्शा, शुक्शी पाइक्चा पुंइसीब सेल्तीनी। गे मुर आन कली आंइ पर्बम तोक्शो नु मरिम्शो लोव़ पपाइक्तीनी। १कोरिन्थी १५:३१; रोमी ८:३६; भजन संग्रह ७९:४; १राजा ९:७