10मिनु गे आंइ कली आंइ जोरी सत्रु आन क्येङा ब्रुपाइक्तीनी। मिनु आंइ कली मदाक्बपुकीमी आंइ मार मार रोइश्शा लाइक्तेक्म।
11गे आंइ कली क्योरचा पुंइसीब भेडा खोदेंशो पा प्रोंइतीनी। मिनु आंइ कली रागी रागीम ब्रपाइक्तीनी।
12गे इन मुर आन कली मोशा लेयतीनी। मिनु मेको आन कली लेयशा, मारेइ ताक्चा थुं मपनी।
13आंइ नेक्था ङा मुर आन ङोंइती आंइ कली गाइश्शा, शुक्शी पाइक्चा पुंइसीब सेल्तीनी। गे मुर आन कली आंइ पर्बम तोक्शो नु मरिम्शो लोव़ पपाइक्तीनी। १कोरिन्थी १५:३१; रोमी ८:३६; भजन संग्रह ७९:४; १राजा ९:७
14गे आंइ कली रागी रागी ङा मुर आन दातेम शुक्शी पाइक्चा पुंइसीब सेल्तीनी। मुरपुकीमी आंइ कली तशा, आन पिया हिम्नीम।
15गो नाक्त किंत किंत मुने दोक्नुङ। आं मुनेमी आं कुल सुम्सीशो बाक्नुङ।
16आं कली शुक्शी पाइब, मरिम्शो लोव़ पाइब, जोरी सत्रुमी पतीके नु क्येक्क लेप्ब आन पतीके मोदेंशो दुम्शो बाक्नुङ।
भजन संग्रह 44
भजन संग्रह 44:10-16