3इन तूतीक नु तरवार शेशा, आं कली खेदा पाइब आन लां तेक्कीन। मिनु आं थुं कली “गो इ कली प्रोंइब नङ” देनीन।
4आं कली साइक्चा माल्बपुकी खतम दुम्शा, मुने दोक्मल। आं कली मरिम्शो पाइक्चा, दे मिम्बपुकी नोले लेश्शा, मुने दोक्मल।
5मेकोपुकी फशेम योल्शो भूस खोदेंशो दुम्मल। मिनु परमप्रभु यावे आ स्वर्ग ङा गेय पाइबमी मेको आन कली खेदा पस ङा पस पवल।
6मेको आन लां छिङछिङ नु ग्रेक्शा थित्तीके दुम्ल। मोपा यो परमप्रभु यावे आ स्वर्ग ङा गेय पाइबमी खेदा पवल।
7मारदे हना मेकोपुकीमी मोशान आं कली ब्वारद दाइक्ताक्यीमी। मिनु मोशान आं कली साइक्चा कली बिक्तीक दोम्तेक्म।
8मेको आन मतुइक्थु, हिंचा ङा ठेयब श्येत दुम्ल। मिनु मेको आन ख्रुइश्शा दाइश्शो ब्वारदम आंमान रेम्मल। मेको आन दोशो बिक्तीकेमी आंमान बिक्शा, बेक्मल।
9गो चहिं परमप्रभु यावेमी आं कली प्रोंइशो तशा ग्येरसीनुङ।
भजन संग्रह 35
भजन संग्रह 35:3-9