11तन्न परमप्रभु यावेमी आ कली मान पा हिंब नु आ गेना हना यो दाक्तीके कली रिम्ब आन कली दाक्ब।
12यरूसलेम, परमप्रभु यावे कली ठेयब सेलो। सियोन, इ परमप्रभु कली ठेयब सेलो।
13मारदे हना मेकोमी इ सहर ङा लाप्चोपुकी बोल्यो सेल्शो बाक्ब। मिनु इ आगाम बाक्ब आल आन कली आसीक गेब।
14मेकोमी इ सांदमी लडाइ मदुम्पाइक्ब। मेकोमी इ कली रिम्शो चेरबीम रूपाइक्ब।
15मेकोमी आ शेंतीके रागीम सोइक्ब। मेको आ लोव़ रीब पा तेइ ते ब्राइब। अय्युब ३८:२२-३०
16मेकोमी ऊन खोदेंशो पा फुं यिपाइक्ब। मिनु पुलु खोदेंशो पा फुरश यिपाइक्ब।
17मेकोमी फुल्लु खोदेंशो पा मुप्स यिपाइक्ब। मेको आ काइश्शो फशेमी सु राप्ने चाप्बा ङा?
18मेकोमी लोव़ पा फुरश यपाइक्ब। मेकोमी फश पपाइक्ब। मिनु ब्वाक्कु शाइक्पाइक्ब।
भजन संग्रह 147
भजन संग्रह 147:11-18