4परमप्रभु यावेमी याकूब कली आ मुर दुम्पाइक्चा कली नु इस्राएल कली आंम के सेल्चा कली योव़शो बाक्ब। प्रस्थान १९:५-६
5परमप्रभु यावे थम ठेयब बाक्ब। मेको गो तुइक्नुङ। मिनु आंइ परमप्रभु देवी देवता नेल्ल आन क्येङा ठेयब बाक्ब। भजन संग्रह ८६:८
6परमप्रभु यावेमी सरीङ, रागी, समुन्द्र नु समुन्द्र आ आगामी मार दाक्बा, मेको पाइब।
7मेकोमी रागी आ सुर सुर रे गोस्स पोक्ब। मेकोमी चिला दाप्पाइश्शा, रेउ यिपाइक्ब। मिनु मेकोमी आ बाक्तीक रे फश पपाइक्ब। येरमीया १०:१३
8मेकोमी इजीप्त रागीमी मुर नु बी ब्यफ, क्यारश भेडा मारेइ मारेइ आन ङोंइती जरमेशा नेल्ल आन कली साइक्तीमी। प्रस्थान १२:२९
9मेकोमी इजीप्त रागीमी फाराओ नु आ गेय पाइब मुर नेल्ल आन ङोंइती चिन्ड नु छक लाक्चा ङा गेय कोंइताक्व। भजन संग्रह ७८:४२-५२
10मेकोमी शुश रागी आन कली खतम पोक्तीमी। मिनु मेकोमी बोल्यो पिप आन कली साइक्तीमी। गन्ती २१:२१-३५
भजन संग्रह 135
भजन संग्रह 135:4-10