161ठेयब मुरपुकीमी आं कली बित्चीम खेदा पाइनीमी। तन्न आं थुं इन लोव़ क्येङा हिंब।
162गो शुश शोंप तशा, ग्येरसीचा क्येङा इन लोव़ तशा ग्येरसाक्यी।
163दूली पतीके नु जोल पतीक काइ मदाक्थु, ग्रांग्रा दीनुङ। तन्न इन अरेशो लोव़ दाक्नुङ।
164गो इन निसाफ पतीक लोव़ आ पर्बम इन कली नाक्त किंत किंत ७ खेयप ठेयब सेल्नुङ।
165इन अरेशो लोव़ दाक्बपुकी थुं नाइश्शा बाक्चा ताइनीम। मेको आन कली मारेइ श्येत मदुम्ब।
166परमप्रभु यावे, गो इन श्येत रे प्रोंइतीक कली रिम्शा बाक्नुङ। मिनु इन शेंशो पाइनुङ।
167गो इन देंशो लोव़ टिना टिन बाक्ती। मिनु गो मेको कली थाम्पा दाक्नुङ।
भजन संग्रह 119
भजन संग्रह 119:161-167