Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - يُدَيَ مَنفّيٍ ١

يُدَيَ مَنفّيٍ ١ 12

Help us?
Click on verse(s) to share them!
1سْورِيٍ نَن يَ نَشٍيٍ سِفَ دَوُدَ يِرٍ سِكِلَفَ، عَلَكٌ عٍ شَ عَ مَلِ فٍرٍ سٌدٍ. نَ وَشَتِ دَوُدَ مُ نُ نَ كِسُ شَ دِ سْلُ قّ مَ.
2بُنيَمِن بْنسْي نَن نُ عٍ رَ، سْلُ نفَشَكٍرٍنيِيٍ. عٍ نُ قَتَ تَنبّ نُن فّمّيٍ وٌلِدٍ عٍ يِرٍقَنيِ نُن عٍ كْولَ بّلّشّ رَ.
3عٍ شِلِيٍ نَن يَ؛ مَنفّ عَشِيٍسٍرِ، سٍمَا شَ دِيٍ يٌوَ سِ فِبِيَكَ، عَسَمَقٍتِ شَ دِيٍ يٍسِيٍلِ نُن ثّلّتِ، بٍرَكَ نُن يٍهُ عَنَتْتِكَ،
4يِسٍمَيَ فَبَيٌنكَ، نَشَن قِندِ سْورِ شُنفبٍ رَ نَ سْورِ تٌنفٌ سَشَن يَ مَ، عَ قَن قِندِ عٍ شَ مَنفّ نَن نَ،
5يٍرٍ مِ، يَشَسِيٍلِ، يٌشَنَن، نُن يٌسَبَدِ فٍدٍرَكَ،
6عٍلُسَيِ، يٍرِ مٌتِ، بٍيَلَيَ، سّمَرَيَ، سّقَتَيَ شَرُقُكَ،
7عٍلٍكَنَ كٌرَكَ، يِسِيَ كٌرَكَ، عَسَرّلِ كٌرَكَ، يٌوٍ سٍرِ كٌرَكَ، يَسٌبٍيَمِ كٌرَكَ،
8نُن يٍرٌشَمَ فٍدٌرِكَ شَ دِيٍ يٌوٍلَ نُن سٍبَدَيَ.
9سْورِ فبَنفبَلَنيِ فَدِكَ ندٍيٍ نَشَ سِفَ دَوُدَ يِرٍ وُلَ عِ. نٍيٍ قَتَ فٍرٍ رَ، فٍرٍ سٌسٍ نُ نَ عٍ يِ رَ عَلْ كَنكٍ مَكَنتَسٍ نُن تَنبّ. عٍ سّنبّ نُ فبٌ عَلْ يّتّيٍ، عٍ شُلُن عَلْ شٍلِ نَشٍيٍ عٍ فِمَ فٍيَيٍ قَرِ.
10عٍ شِلِيٍ نَن يَ؛ عٍسٍرِ، عٍ شُنيِ، عَبَدِيَسِ، عَ قِرِن ندٍ، عٍلِيَبِ، عَ سَشَن ندٍ،
11مِسٍمَننَ، عَ نَانِ ندٍ، يٍرٍ مِ، عَ سُولِ ندٍ،
12عَتَيِ، عَ سٍننِ ندٍ، عٍلِيٍلِ، عَ سٌلٌقٍرٍ ندٍ،
13يٌشَنَن، عَ سٌلٌمَسَشَن ندٍ، عٍلٍسَبَدَ، عَ سٌلٌمَنَانِ ندٍ،
14يٍرٍ مِ، عَ قُ ندٍ، عَ نُن مَكَبَنَيِ، عَ قُ نُن كٍرٍن ندٍ.
15فَدِكَيٍ نَن يِ كِ نَشٍيٍ قِندِ سْورِ شُنفبٍيٍ رَ. نَشَن شُرُن عٍ يَ مَ، عَ سّنبّ فبٌ مِشِ كّمّ بّ. نَشَن شُنفبٌ عٍ يَ مَ، عَ سّنبّ فبٌ مِشِ وُلُ بّ.
16نٍيٍ نَشَ يُرُدّن شُرٍ فِرِ عَ رَقٍشِ تّمُي نَشّ، كِكٍ سِنفٍ، عٍ قَ فٍيَ لَنبَنيِ مِشِيٍ كٍرِ سٌفٍتٍدٍ نُن سٌفٍفٌرٌدٍ مَبِرِ.
17بُنيَمِنكَ نُن يُدَيَكَ ندٍيٍ نَشَ سِفَ دَوُدَ شَ يِرٍ مَكَنتَشِ.
18دَوُدَ نَشَ عٍ رَلَن، عَ عَ قَلَ عٍ بّ، «شَ وٌ قَشِ بْحّسَ نَن كُي عَلَكٌ وٌ شَ ﭑ مَلِ، وٌن بْحّيٍ قِندِ مَ كٍرٍن نَن نَ. كْنْ شَ عَ سَ عَ لِ وٌ قَشِ ﭑ يَنقَدٍ ﭑ يَشُييٍ نَن بّ، ﭑ تَن نَشَن مُ قٍ حَاشِ يٌ رَبَشِ، وٌن بٍنبَيٍ مَرِفِ عَلَ كِيتِ سَمَ نّ.»

19نَ تّمُي عَلَتَلَ شَشِلِ سّنِيّنشِ نَشَ فٌرٌ عَمَسَيِ مَ، نَشَن قِندِ سْورِ تٌنفٌ سَشَن شُنيِ رَ. عَ نَشَ عَ قَلَ، عَلَ شَ يِسَيِ شَ دِ دَوُدَ مَلِ، عَلَ شَ بْحّسَ قِ عَ مَ، عَلَ شَ بْحّسَ قِ دَوُدَ مَلِمَ مَ، بَرِ مَ عَلَ نَن دَوُدَ مَلِشِ. نَ كُي دَوُدَ نَشَ عٍ رَ سّنّ، عٍ شَ لُ عَ شَ سْورِ مَنفّيٍ يَ مَ.
20مَنَسِ سْورِ ندٍيٍ نُ بَرَ عٍ سَ دَوُدَ دّ رَ عَ نُ وَ مَ كَقُقٍ قِلِسِتَكَيٍ مَ تّمُي نَشّ سْلُ فٍرٍدٍ. عٍ نُن دَوُدَ مُ نْ قِلِسِتَكَيٍ مَلِدٍ بَرِ مَ قِلِسِتَ مَنفّ ندٍيٍ نُ بَرَ فَاشُ، عٍ قَ عَ قَلَ، «دَوُدَ قَمَ نّ وٌن يَنقَدٍ، عَ كَقُ عَ مَرِفِ سْلُ مَ، عٍ وٌن فٍرٍ.»
21عٍ تٌ نَ قَلَ، دَوُدَ نَشَ فبِلٍن سِكِلَفَ. مَنَسِكَ نَشٍيٍ نُ بِرَشِ عَ قْشْ رَ، عٍ شِلِيٍ نَن يَ؛ عَدٍنَ، يٌسَبَدِ، يٍدِيَيٍلِ، مِكَيٍلِ، يٌسَبَدِ، عٍلِهُ، نُن سِلٍتَيِ. سْورِ وُلُ كٍرٍن مَنفّ نَن نُ نَ عٍ بِرِن نَ.
22عٍ نُ دَوُدَ مَلِمَ عَ شَ سْورِيٍ رَحّرّدٍ، بَرِ مَ عٍ بِرِن قَتَ سْورِحَ رَبَدٍ. سِنفٍ، عٍ نُ عِسِرَيِلَ سْورِيٍ نَن نَحّرّ مَ.
23لْشْ يٌ لْشْ دَوُدَ مَلِمَيٍ شُن نُ مَسَمَ هَن عَ شَ سْورِ فَلِ نَشَ لُ عَلْ عَلَ فبٍ.
24سْورِ شَسَبِ نَن يَ نَشٍيٍ قَ شٍبِرٌن دَوُدَ يِرٍ، عَلَكٌ عٍ شَ دَوُدَ مَلِ، سْلُ شَ مَنفّيَ شَ رَدَنفِ عَ مَ عَلْ عَلَتَلَ نُ بَرَ عَ مَسٍن كِ نَشّ؛
25يُدَيَكَيٍ، سْورِ وُلُ سٍننِ كّمّ سٌلٌمَسَشَن. فٍرٍ سٌسٍ نُ نَ عٍ بِرِن يِ رَ.
26سِمٍيْنكَيٍ، سْورِ فبَنفبَلَنيِيٍ وُلُ سٌلٌقٍرٍ سْورِ كّمّ.
27لٍوِكَيٍ، سْورِ وُلُ نَانِ كّمّ سٍننِ.
28يٍهٌيَدَ، نَشَن قِندِ يَرٍرَتِ رَ هَرُنَ حْشْي رَ، عَ نُن عَ شَ سْورِ وُلُ سَشَن كّمّ سٌلٌقٍرٍ.
29سَدْكِ، سّفّتَلَ سْورِ فبَنفبَلَنيِ، نُن عَ شَبِلّ كُنتِفِيٍ، مِشِ مْشْحّن نُن قِرِن.
30بُنيَمِنكَيٍ، سْلُ بْنسْي، سْورِ وُلُ سَشَن. عٍ مُ نُ فبٌ بَرِ مَ عَ فبٍفبٍ نُ نَ سْلُ نَن مَ سّيتِ.
31عٍقِرَ مِكَيٍ، سْورِ وُلُ مْشْحّن كّمّ سٌلٌمَسَشَن. عٍ بِرِن سْورِ فبَنفبَلَنيِ نَشٍيٍ بٍنبَيٍ شِلِ نُ فبٌ.
32مَنَسِكَيٍ، سْورِ وُلُ قُ نُن سٌلٌمَسَشَن. عٍ تَن نَن نُ سُفَندِشِ مَنفّيَ رَدَنفِقٍ رَ دَوُدَ مَ.
33عِسَكَرِكَيٍ، كُنتِفِ كّمّ قِرِن نُن عٍ شَ مِشِ نَشٍيٍ نُ نَ عٍ شَ يَامَرِ بُن مَ. عٍ قَن نُ بَرَ عَ كٌلٌن عِسِرَيِلَ لَن عَ شَ نَشَن نَبَ نَ وَشَتِ.
34سَبُلٌنكَيٍ، سْورِ وُلُ تٌنفٌ سُولِ. عٍ رّدِشِ فٍرٍ شِلِ مَ، فٍرٍ سٌسٍ نُ نَ عٍ يِ رَ.
35نَقَتَلِكَيٍ، سْورِ شُنيِ وُلُ كٍرٍن، عَ نُن سْورِ وُلُ تٌنفٌ سَشَن نُن سٌلٌقٍرٍ. وُرٍ لٍقَ نُن تَنبّ نُ نَ عٍ بِرِن يِ رَ.
36دَنَكَيٍ، سْورِ وُلُ مْشْحّن نُن سٌلٌمَسَشَن كّمّ سٍننِ. فٍرٍ سٌسٍ نَ عٍ بِرِن يِ رَ.

37عَسٍرِكَيٍ، سْورِ وُلُ تٌنفٌ نَانِ. عٍ بِرِن رّدِشِ.
38سْورِ نَشٍيٍ كٍلِ يُرُدّن نَاكِرِ مَ سٌفٍتٍدٍ بِرِ، نٍيٍ قِندِ رُبٍنكَيٍ، فَدِكَيٍ، نُن مَنَسِكَيٍ نَن نَ، عٍ لَن مِشِ وُلُ كّمّ مْشْحّن نَن مَ. فٍرٍ سٌسٍيٍ نَ عٍ بِرِن يِ رَ.
39يِ سْورِيٍ قَ نّ شٍبِرٌن عَلَكٌ عٍ شَ دَوُدَ دْشْ مَنفّ رَ عِسِرَيِلَ شُن نَ. نَ حَنِفٍ نَن نُ نَ عٍ بّ. عِسِرَيِلَكَيٍ بِرِن نُ بَرَ نَ نَتّ تٌنفٌ.
40عٍ نَشَ لُ مّننِ دَوُدَ يِرٍ شِ سَشَن عٍ عٍ دّفٍمَ، عٍ عٍ مِنمَ. عٍ نفَشَكٍرٍنيِيٍ نَن نُ نَ دٌنسٍ رَقَلَمَ عٍ بّ.
41عٍ دْشْبٌورٍيٍ قَن نَشَ قَ دٌنسٍ رَ كٍلِقٍ رَ عِسَكَرِ بْشِ، سَبُلٌن بْشِ، نُن نَقَتَلِ بْشِ مَ. عٍ نَشَ قَ نَ رَ سٌقَلٍيٍ، حْشْمّيٍ، سٌييٍ، نُن نِنفٍيٍ قَرِ. عٍ نَشَ قَ كٌتٍ مْولِ بِرِن نَ عَلْ دٌنسٍ، قَرِن، شْرّ شَرَشِ، وّنِ بٌفِ شَرَشِ، وّنِ، تُرٍ، شُرُ سٍ لَنمَ نُن عَ شُنفبٍ. عٍ نَشَ قَ عَ فبٍفبٍ رَ بَرِ مَ عِسِرَيِلَكَ بِرِن نُ سّيوَشِ.