YƐSÃÃ 45:1-6

¹Bɛdèmbɛ̀ kóo kótì dìèmmɛ̀ Kodee bí yɛ̀nfɛ̀ nɛ̀ tibómbonti. Fɛcɑnyɛ̀nfɛ̀.

²Tinɑ́ɑǹsɑ̀ɑ̀tì tiì doorí n nùù. N dɔ́ kɛ́keutɛ́ fɛyɛ̀nfɛ̀ nfɛ okpɑ̀ɑ̀tì kpɛ́í, n yóó dèntɛ̀ fɛyɛnsɑ̀ɑ̀fɛ̀ nfɛ opɑ́tíwɑ̃ɑ̃̀tì sɑ̀ɑ̀wè ɔ̃ɔ̃ duɔ́kɛ́mɛ̀ o pɑ́tíri.

³A wenni kɛ pɛ̃ɛ̃tɛ́ bɛnìtìbɛ̀ bɛmɔu ndi, kɑ̀ɑ nɑ́ɑǹtì nɑɑti. Dɛɛ̀ te kɛ̀ Kuyie ndɑ dɔ̀ɔ̀ mɛsɑ̀ɑ̀ nsɑ̃́ɑ̃̀.

⁴Okpɑ̀rìteu túótɛ́ ɑ siè dɛɛ̀ tu ɑ sɑ̃nni nɛ̀ ɑ yetìdiɛrì.

⁵Túótɛ́ ɑ tɑ̃mmù kɛ́kétɛ́ dekɛ ɑ sɑ̃ntɛ̀, kpɑ ntimɔ́mmɔnti kpɛ́í, kónnɛ́ bɛcĩ̀rìbɛ̀. Kónnɛ́ bɛ̀ɛ̀ nɑɑti. A wɛ̃rímú muù yó nte kɑ̀ɑ nɑ dikpɑ̀nnì diɛrì.

⁶Nɛ̀ ɑ penyómmɛ̀ mmɛ ɑ yóó buɔ́mmɛ̀ ibotí, okpɑ̀ɑ̀tì, ɑ yóó mɛ nkuɔnɛ̀ ɑ dootitɔbɛ̀.