Sam 24:2-10

²Ura ele sokirae nia Sa si asa koasa kolo lamana, meke ele kuria sa si asa koasa lamana peava.

³Esei si garo pude sage la koasa toqere te Zihova? Esei si kaqu nuquru pa Nana Zelepade hope?

⁴Asa mo sapu lopu tavete va sea pa limana meke via bulona, lopu vahesi beku sa meke lopu sekea sa sa nana vina tatara.

⁵Kaqu mana nia e Zihova si asa meke harupia, meke sa Tamasa kaqu poza nia, tie pu lopu tavete va sea.

⁶Gua asa si arini pu hata ia si Asa, arini pu hiva nia sa minana ke mae si arini pa kenuna sa Tamasa te Zekopi.

⁷Mi tukele gamu na sasada, mi tukele va noma gamu na tukutuku koamia pukerane, pude Mani nuquru mae sa Baṉara lavata ṉiṉirana.

⁸Esei sa Baṉara lavata ṉiṉirana? E Zihova tu sa Baṉara lavata ṉiṉirana, E Zihova sapu mataqara pa vinaripera!

⁹Mi tukele gamu na sasadana sa bara pa vasileana, mi tukele va noma gamu na sasada koa mia pukerane, pude mani nuquru mae sa Baṉara lavata ṉiṉirana.

¹⁰Esei sa Baṉara Lavata Asa? E Zihova Tadi na Qeto Minate si Asa, Asa sa Baṉara Lavata ṉiṉirana!