Psalm 24:2-10

²Pwe a kotin pasonedier ni kailan madau, o a kotin wiadar pon pil akan.

³Is me pan kodalang pon dol en Ieowa? O is me pan kak uda ni mol en Ieowa saraui?

⁴Me pa a kan sota sapung o mongiong i makelekel; me sota kin mauki padak sapung, o me sota kin kaula likam.

⁵I me pan kamaula ren Ieowa, o a pan pung kila ren Kot a saunkamaur.

⁶I kainok, me kin peiki ong Kot, me kin rapaki silang omui, Kot en Iakop. Sela.

⁷Komail ritingada wanim laud o langada wanim nin sappa, pwe Nammarki lingan en kotilong!

⁸Is Nanmarki lingan men et? I Ieowa roson o manaman, Ieowa me rasong nan mauin.

⁹Komail ritingada wanim laud o langada wanim nin sappa, pwe Nanmarki lingan en kotilong!

¹⁰Is Nanmarki lingan men et? I Ieowa Sepaot; I Nanmarki lingan. Sela.