A Umana Kakailai 24:2-10

²Tago i ga vung ra vunapaina ta ra ta, Ma i vatur vapadikat ia ta ra lovon ta.

³Ia na tutua urama ta ra luana kai ra Luluai? Ma ia na tur ta kana gunan i gomgom?

⁴Nina ba i gomgom ra limana ma ra balana bula; Nina ba ra tulungeana pa i mainge ra magit vakuku, Ma pa i vavalima vavaongo.

⁵Ia iat na alube pa ra varvadoan tai ra Luluai, Ma ra takodo na mangamangana tai God kana tena valaun.

⁶Nina ra taun tarai ba dia toratorom tana, dia damana, Diat dia tikan upi ra matam, u ra God kai Iakob. Sela.

⁷A umana mataniolo, avat a tadaraka, Ma ra umana matakilalat pa ania, avat a manga tapapa, Upi ra King na minamar na olo.

⁸To ia ra King na minamar? Ra Luluai, i ongor ma i dekdek, Ra Luluai ra tena ongor ta ra vinarubu.

⁹A umana mataniolo, avat a tadaraka, Maia, avat a manga tapapa, avat a umana matakilalat pa ania, Ma ra King na minamar na olo.

¹⁰To ia go ra King na minamar? Ra Luluai kai ra lavur kor, Ia iat ra King na minamar.