Salomↄↄ lɛ 6

1

2

3

4

5

6

7

8

¹N gbɛ̃́ pↄ́ ń kɛfɛũ dɛ nↄɛↄla píi, n yenzide gɛ̀ má ni? N yenzide mi dì má oiɛ kɛ́ wà e wà aà wɛɛlɛnnↄi?

²Ma yenzide gɛ̀ a pↄ́ gĩnana buaɛ, à gɛ̀ pↄblei a kaauɛ, i lávuↄ wɛ.

³Ma yenzideá ma pↄ́ɛ, mɛ́ aà pↄ́n ma ũ, àlɛ pↄble sũmaavuↄ guuɛ.

⁴Ma gbɛ̃na, ń kɛfɛũ lán Tiizawa, ń maa lán Yelusalɛũwa. N yã́ ì dimá lán zĩgↄ̃ pↄ́ dàlapoo kũaↄwa.

⁵Wɛgoa, asa málɛ liɛ. N mikã dɛ lán blè wiilaↄ pilaa Galada sĩ̀sĩwawa.

⁶N swaa pua lán sã pↄ́ aa bↄ̀lɛ zu'okĩi aalɛ suↄwa. Aa kↄ̃sɛ̀ plapla píi, an kee i pↄsɛ bↄo.

⁷N gɛɛ dɛ lán gbɛafu pɛɛwa n sálana fòou.

⁸Ma naↄ kà bàaↄ̃, a pↄ́ mi mɛ́sɛdilɛnɛ́oↄ basiiↄ̃, a lɛ́soↄ lɛ́ vĩo,

⁹ãma ma felen sãasai adoaɛ, aà da nɛ́ mɛ̀ndonan we, aà da'iapi pↄ dↄwàɛ. Tó nɛnↄnaↄ aà è, aaì aà sáaukpaɛ, ma nↄpiↄ ì aà tↄbↄ ḿpii.

¹⁰Démɛ bↄ̀ lɛ́ mↄ́ kee lán gudↄawai? A kɛfɛũ lán mↄvuawa, a pípia lán ĩatɛ̃wa. Aà yã́ ì dimá lán zĩgↄ̃ pↄ́ dàlapoo kũaↄwa.

¹¹Ma gɛ lí pↄ́ wì a wɛ́na só kaau, ma pila swa'ɛu pↄ́ↄ lá taa gwaiɛ. Ma gɛ gwai tó vɛ̃ɛↄ bↄlↄbↄ̀, tó gbɛafuↄ vukɛ̀.

¹²Mi dↄ̃ kɛ́ ma nisĩna ma sɛ gɛ̀manↄ ma kía deeↄ sↄ̃́goↄ guuo.