Salomↄↄ lɛ 1

1

2

3

4

5

6

7

8

¹Lɛↄ mide pↄ́ Salomↄↄ dà.

²Lɛ́pɛ ma lɛ́wa, asa n yeamazi na dɛmɛɛ vɛ̃ɛa.

³N tulaleↄ gĩ na. N tↄ́ na lán tulale lɛ́kulɛa gĩwa. Bee yã́ mɛ́ tò wɛ̃́ndiaↄ yenzi.

⁴Ma sɛ wà ta kpakpa. Kí, gɛ̃manↄ n kpɛ́u. Yelusalɛũ nɛnↄnaↄ Kí, wálɛ pↄnakɛ n yã́ musu, wálɛ yasenapa, wá n yeańzi na bo dɛ vɛ̃ɛa. Nↄɛ Aaìↄ yenzi a zɛ́wa.

⁵Yelusalɛũ nɛnↄnaↄ, má sia mɛ́ má kɛfɛũ. Má sia lán Kedaa zwã̀akpɛↄwa, má kɛfɛũ lán Salomↄↄ kpɛ́ zwãaↄwa.

⁶Ásu àↄ ma gwa ma siakɛ yã́io, ĩatɛ̃ mɛ́ ma lɛ. Ma dãↄↄ pↄ pàmaziɛ, ↄ̃ aa ma da vɛ̃ɛbugwaa zĩu. Mi e ma azĩa pↄ́ kɛ̀kɛo.

⁷N gbɛ̃́ pↄ́ ma nisĩna yenzi, ǹ n sãↄ dã́dãkɛkĩi omɛɛ. Mákĩi ni to aa ĩatɛ̃ dɛui? Bↄ́yãi máↄ ku n gbɛ̃́ↄ sã waiↄ saɛ sã́sãai?

⁸N gbɛ̃́ pↄ́ n nↄankɛ dɛ nↄɛↄla píi, tó ń gupi dↄ̃o, tɛ sãↄ iai, ní n blenɛↄ dã sãdãnaↄ bòo saɛ.

⁹Ma gbɛ̃na, ń kɛfɛũmɛɛ lán Falaↄ̃ↄ sↄ̃da pↄ́ ì godↄnɛ́ↄ dowa.

¹⁰N gɛɛↄ maa, n swã́liↄ n sɛ, n ↄ̃nɛɛↄ kↄ̃sì ń n nↄɛo.

¹¹Wá swã́liↄ pinɛ ń vuao, wí ã́nusu pɛ́lɛpɛlɛu.

¹²Gↄↄ pↄ́ kía gɛngɛsɛkɛa, ma tulale gĩ dↄ.

¹³Ma yenzide dɛmɛɛ lí'ↄ gĩnana pↄ́ looa ma yↄ̃́ taau ũ.

¹⁴Ma yenzide dɛmɛɛ ãyã ligↄ̃n vude pↄ́ wà bↄ̀ò Ɛ̃ngɛdi vɛ̃ɛbua ũɛ.

¹⁵Ma gbɛ̃na, ń kɛfɛũ fá! N wɛ́ kɛfɛũ lán felen wɛ́wa.

¹⁶Ma yenzide, ń kɛfɛũ fá! N zɛa maa! Wá wúlɛkĩiá sɛ̃̀bↄlↄɛ,

¹⁷wá kpɛ́ zaↄá sɛdɛ líↄnɛ, wá kpɛ́ bala líↄá pɛ̃liↄnɛ.