SALMOS 148:6-14

⁶Yaya quinchijqui para eltose para nochipa, huan quichijqui se tlanahuatili catli ica amo quema moyolcuepas.

⁷Ma quipaquilismacaca TOTECO nochi catli itztoque ipan ni tlaltipactli. Ma quipaquilismacaca nopa huejhueyi tlapiyalme catli itztoque tlatzintla hueyi atl.

⁸Ma quipaquilismacaca nopa tlitl, tesihuitl, setl, apoctli, huan nopa ajacatl catli quichihuaj ipaquilis.

⁹Ma quipaquilismacaca nochi tepeme, tlachiquilme, huan nochi cuame catli temacaj inintlajca huan nochi tiocuame.

¹⁰Ma quipaquilismacaca TOTECO nochi tlamantli tlapiyalme, huan nochi tecuanime, cohuame, huan totome.

¹¹Ma quipaquilismacaca nochi tlanahuatiani catli itztoque ipan tlaltipactli, huan nochi jueces, huan nochi masehualme ipan nochi tlalme.

¹²Ma quipaquilismacaca telpocame, ichpocame, huehuentzitzi huan coneme.

¹³Ma quipaquilismacaca TOTECO pampa san yaya quinamiqui tijhueyimatise. Ihueyitilis nelhueyi hasta quipano ilhuicactli huan tlaltipactli.

¹⁴Yaya quinfuerzajmacatoc imasehualhua. Ma quipaquilismacaca TOTECO nochi itlatzejtzeloltijca masehualhua, nochi tojuanti catli tiisraelitame catli yaya techiyocatlalijtoc para ma tiitztoca más inechca. ¡Xijpaquilismacaca TOTECO!