Y Salmo Sija 148:6-14

⁶Güiya guinin plumanta sija locue para taejinecog yan taejinecog: jafatinas y tinago na tu ufalofan.

⁷Fanmanalaba jamyo as Jeova desde y tano, jamyo ni y mandadao gui tinadong tase, yan todo y manadong.

⁸Y guafe yan graniso; niebe yan asgon: manglo pagyo ni y cumumple y sinanganña:

⁹Ogso sija yan todo y sabana; manmanogcha na trongcon jayo yan todo y sedrosija;

¹⁰Gâgâ yan todo y guaca; mangucunanas na gâgâ, yan y mangugupo na pajaro.

¹¹Ray sija y tano yan todo y taotao sija. Prinsipe sija, yan todo y jues y tano:

¹²Y manfamaguon na lalaje, yan famalaoan: y manamco na taotao, yan famaguon:

¹³Polo sija ya ujaalaba y naan Jeova: sa y naanñaja guefmanataquilo: y minalagña gui jilo tano yan y langet.

¹⁴Jagasja jajatsa julo locue y canggelon taotaoña; y tininan todo y mañantosña sija; magajet na sija y famaguon Israel, y taotao sija ni y manjijot guiya güiya. Fanmanalaba jamyo as Jeova.