SALMOS 148:6-14

⁶Bene' ga zoale na'a, na' to chi'ize. Wnnakze' chele ḻe'e to da' bi te chen.

⁷¡Le wká'n ẕen X̱anžon' ḻo yežlyó, ḻe'e, bia ẕen ka' zoale ḻo nisdo', na' ḻo nis zil,

⁸na' ḻe'e, yes wzió', na' yej nis, na' bege', na' bejw ka', na' ḻe'e, be' bdone' ka', žonle ka ẕnnakze' Ḻe'!

⁹¡Le wká'n ẕene' Ḻe', ḻe'e, ya'ado' ka', na' ya'a ẕen ka', na' ḻe'e, yag ẕix̱ ka', na' yag sedro ka',

¹⁰na' ḻe'e, bia yix̱e' ka', na' bia ka' napgak benne' ka', na' ḻe'e, bia snia ka', na' bia zej zoa x̱ílgakba'!

¹¹¡Le wká'n ẕene' Ḻe', ḻe'e, benne' wnná bia' ka', na' yógo'te benne' gax̱jw ḻaže' ka', na' ḻe'e, benne' blo ka', na' benne' wchi'a ḻaže' ka',

¹²na' ḻe'e, benne' byo wego' ka', na' no'le wego' ka', na' ḻe'e, benne' gole ka', na' x̱kwide' ka'!

¹³¡Le wká'n ẕen La la'y che X̱anžon'! Ẕénḻe'eže nak La la'y chie' Ḻe' ka yógo'te lagak benne' ka'. Yeḻa' ẕen chie' ẕḻa' ḻawn ḻo yežlyó, na' ya'abá.

¹⁴Ḻe' benne' yela' wak ẕen chegak benne' chie' ka'. ¡Le wká'n ẕene' Ḻe', ḻe'e, benne' chie' ka', nakle ẕa'só Israel ka', na' nakle benne' ka' nži'ile' Ḻe'! ¡Ga'n ẕen X̱anžon'!