Godigo Nogi Ugwaba Sabo Tęąbi Po Wabo Buku Dabe 148:6-14

⁶Agai te po wali gilama tama augwa te bidimainu yali pesagede mu sesemane sogo bidibao, tama te agai po munu me siligobeo.

⁷Dage tǫde bidibo bage tigidali, dagego Genuai Bidigo nogi ugwaba siąo. Te moni dobo dwai sųgų dabe, me te tamu ąį aiya badu mu pagede bidibo nai dabe,

⁸tama te pǫde elalubo be sele, tama te talua ge tulubage me, te pǫ dabe, te bomai waligo me, te Genuai Bidigo po wali pabo bage, dagego agai nogi ugwaba siąo.

⁹Awe, dage genuai bulu du dabe, me dwasianu bulu du dabe, tama nai du walobo ni dabe me, tama te buside ni dabe,

¹⁰tama te bidi dabego tonalubo kibu hasa dabe, me te bulu uni hasa dabe, tama te hasamani dabe, me te ba dabe, te dagego Genuai Bidigo nogi ugwaba sao.

¹¹Te king dabe, me tigidali hani bage, tama te gavman dabe me, tama te tigidali gasa tobolu bidi dabe me,

¹²tama te gesi bidi, me gesi wegimani dabe, tama te monu dabe, me te wai puluba dabe, dage tigidaligo te Genuai Bidigo nogi ugwaba sao.

¹³Mu tama, tigidaligo te Genuai Bidigo nogi ugwaba sao. Te agaduba genuai nogigo deli te tigidali we bidigo genuai nogi aiyaba mu elalubao. Agai genuai nogi te ugwanu mu elalu, te dagalu me tǫ aiyaba elaluai dao.

¹⁴Agai te Israel dabe wei mu eyu, tama aga we bidibolo bomo mabo dao, tama tiyu, augwaligo agai nogi ugwaba sabo dao. Te Genuai Bidigo nogi ugwaba sao.