GWAY GI IDAWUU’D 148:6-14

⁶Dhali a’di ṯelki uni sho’k ki sule/ sule/ mo dhali ki sule/ sule/ mo. A’di ki thoson gwayum buni jin mina uni mol pe mo.

⁷Maŋi Tap̱a ’peni mony’cesh mo, um kun ta dhan to yi’de/ gi ḵumma/ yi’de/ mo dhali aris moŋ’kulga/ mo,

⁸o’d dhala dhana wasa/ wosh dhala wasa/ kun ṯelkin mo dhala wasanyjap̱e/ mo, dhali ’tham jin mii’da p̱unthar uni thimki gwom piti jin ḵana a’diya ḵan mo.

⁹’Kuwosha turga/ mo dhala ris wosh mo, cwa kun dho’th maman mo dhali arisa bwanyayiis mo.

¹⁰Aris tombwaasho dhali aris to/e mo, dhali to kun parana ’cesh mo dhali ’dii kun p̱eni mis mo.

¹¹Imaliḵ kun ’kon e mony’cesh mo dhali aris ’kwani mo, dhali iya/ gi imaliḵ mo dhali aris tap̱a gi mony’cesh mo.

¹²’Kwani kun ta dhuru’c mo dhali aris nyara/ mmonṯal ’de/ mo, dhali ’kwani kun tana dhan mo dhali uc̱i mo.

¹³Dhalki uni maŋ gway gi Tap̱a mo, haali/ gway piti a’di ’de/ ikaru ki ca mo. Monycam piti a’di idiki’da p̱o/ mony’cesh mo dhali momis mo.

¹⁴A’di ki ’de’k ce gi mowoṯẖ gom ’kwanim piti mo, maŋa maŋ goma ris unim piti kun dhunu ki she/ ki dhelel dhelel mo, haali/ ’Kwani ma Israyiil mo tani uni i’dishki a’di is mo. Maŋi Tap̱a mo.