Salmos 116

1

2

3

8

10

14

15

16

19

22

23

24

27

32

33

34

37

40

42

43

46

47

48

51

63

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

137

139

145

148

150

¹Apanllee nuw chinakina, watam, Apaa, istanda aturi, nuwaa mazinakchu istakuwa.

²Nuw urutari Apanllee mashkuri taachina. Watam nuwaa mazinakuwa.

³Tsipats nuwaa izuuru kasimaam waritarangu, kapung puniranguri; Tsipatureema, táranguri, itamsamaam pinasarangina.

⁴Ashiranguri, nuwsha, Apaa, shiy taarashipantishcha. Nuwaa taarashi tapachindandama, táranguri, Apanllsha nuwaa tapachindarangiya.

⁵Apanll iyaa taarasheetsini itsinsartaa yasaku, itaru iyaa nayanikiya. Apanll Taarashipan chinampancha.

⁶Tputs waanaatsi tapachindamaam pinasakitaa, itaru Apanllsha uru ksutkiya. Nuw wizpuriri ndunnaar taarangi Apanllsha nuwaa tapachindarangiya.

⁷Apanll nuwaa kapung istarangu, ashirucha, nuwsha yusur nda punikuri, mapiyruri taakina.

⁸Nuwaa tsipani tapachindarangiya. Tsipamaam punikuri, kapung tanuranguri, itaru Apanllsha nuwaa istarangu yararangiya.

⁹Ashiriya, nuwsha urutari nish tsapurunasush taakuri, Apanllee kuk tuminchima.

¹⁰Nuwaam xarashish kapung taarangtaa, itaru Apanllimun mangi taturangina.

¹¹Tputsimun mangich tatumaam wanindaja. Ichingurusin tputs wayangichirirsincha.

¹²Itaru, Apanll ¿wanip nuwaa istaranga? ¿Maypata nuw Apanllee tuwapachi? Tuwapamaam pinasakina.

¹³Itaru, itsinsaru Apanllee tachitkuri, misha, Wappari Apaa, aturi, tuwapakpaz ashkina.

¹⁴Mishat, yuwaa, Apanllee; Shiyaam ashtachparina, tárangi, anoo tiptsirpata shaniykuni, itsinsaru k'keetsi tatsamchima.

¹⁵Apanll waana tiptsir tsipakchu, kiyung kachiyku, anungaz kapung mangu mantsakiya.

¹⁶Shiyaa chinakina, Apaa. Nuw shiycha kamachtashish. Aneeri shiyaa kapung chinaku, ashiritam nuw shiyaa chinakina. Nuw tsipamaam pakich pishtaranguri, shiysha nuwaa tapachindarangsha.

¹⁷Ashiri shiyaam, Apaa, chinuzee pachayaruri, shiyash sumish muchima. Sheeruri, shiyaatsimari ungirtachima.

¹⁸Shiyashchi tputs shiyash pangish tipuranllizush shaniykatssin, anush nuw izuuru k'keetsi, yuw shiyaa tsiyatarangi, anoo tuminchima. Uru Irusarinush shiyaa ungirtakuri taachima. Apaa, ¡Yungpaktishcha! atiniya shiyaatsi.