Salmos 33

1

2

3

8

10

14

15

16

19

22

23

24

27

32

33

34

37

40

42

43

46

47

48

51

63

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

137

139

145

148

150

¹Siy Apanllis tiptsiris Apanlleetsimari ungirtangtsa. Ancha Apanlleem kizpur wanasiriya.

²Ashiri yaseeyarus, Wappari Apaa, tángtsa. Arpapat, misha kitarpat ashirus, mangis kis yaseengtsa.

³Yaseeshish kaneeschee seengtsa. Tputs kitartamaam yasaru, anpat ipuneerus, mangis kis seengtsa.

⁴Apanll yuw ichingaru tsiyatarangu an zurampatari tárangiya. Iyaa chinaku, ¿wanip iyaa istaranga? Uru wamunari mangich tatumaam taariya.

⁵Apanll ngitzipanee natsakiya. Wanasirimsheetsimari tputs chinakiya. Tputsee ztaru chinakiya.

⁶Ichtakachuri Apanll tsiyateeru, kanindaa tinarangiya. Sheeru, Kanindush zar, tsup, tsangach ashiru taachpa, tárangu, ichingaru tinarangiya.

⁷Ichinguru kungunandari taarangu, anoo Apanll, Kungoo waanitam wayachima, tárangu, maree kapungumashee wayarangiya.

⁸Ashirucha, nuw siyaa tsapurunasshucheetsis, Apanlleetsimari chinangtsa, atina.

⁹Watam waana tsiyateeru, maacheetsi ichingaru tinaranguwa. Mishat, ichingaru urutamari taamaam wayarangiya.

¹⁰Tsapurunasshuch kurak uru yutarit chinaksin, waana zandkana anumari ashimaam chinakanaya. Zandkitaatssin itaru Apanllsha xarashish wayat, wayat ashku, xapookanaya.

¹¹Itaru, Apanllinaa waana yuwaa, Ashchima, tákchu anoo, zurampatari tatsamkiya. Tputs ayamtaatiya Apanllee tuxaramaam pinasachinlliniya.

¹²Itaru, Apanll waana iyashchee, Israelchicheetsini tiptsireem ipusarangiya. Iysha Apanll Taarashipani kapung chinakaniya. Ashirucha, kis mapiyruni taakaniya.

¹³Apanll kanindash taaku, anumandari napku, ashpaatsiri tputs ztaru tsapurunasush pakiya.

¹⁵Yuwaa tputs mangush chinakana anoo yasakiya. Watam waana mangeetsich tinaranguwa.

¹⁶Kurak wasundurur zapantaa taaru, itaru, undarar, Kurakaa pachapani, atusin, Apanll nda istaku wasundurur urkareetsi tapachindamaam pinasakanaya. Kizpuritaa kurak waanaatsi tapachindamaam pinasakiya.

¹⁷Mishat, kapaach tapazpan kizpuritaati, sundaroo tapachindamaam wanindaja; Apanllimari tputsee tapachindamaam taariya.

¹⁸Itaru, Apanllchich tputs, Apanllimun mang' tatkusin, Apanll iyaa ksumish chinakiya, atusin, Apanllsha urutari waatssin napku ksutkiya.

¹⁹Tsipamaam waritaktaa, Apanll tapachindakiya. Katungats maringaktaa, Apanll istaku, nda tsipachinlliniya.

²⁰Ashiriya, iysha Apanllimun mangini tatkuni, Apanllsha iyaa izuuru ksutkiya; nda kasakiya.

²¹Apanllimunari mangini ksakaniya, watam zurampatari Apanllee mangiptini chinakaniwa.

²²Apanll, urutamari iyaa chinaku, iyapat ipunakcha. Watam Apanllimunari mangini tatkiniwa, atiniya.