Salmos 48

1

2

3

8

10

14

15

16

19

22

23

24

27

32

33

34

37

40

42

43

46

47

48

51

63

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

137

139

145

148

150

¹Koréchich nlluranur yandamarini. Apanll taarashipani waamari kasiriya. Waana yaktarinshini, Irusarinush Apanllee ungirtamaam wanasircha, waanpee pangu, machip Siyonshu.

²Apanll machirini Siyon kizpurcha wanasiri. Minumari mach ichingaru kasiriya. Tputs ztaru machip Siyonamand mang kis shambtkanaya. Watam anush Apanll, iy kurakarini, wamari kasiru an taakuwa.

³Irusarinaa mbamari tandapunurangusin, Undarar pshtumaam pinasakanaya.

⁴Kurak shaneerangusin, Irusarinshuchee kasiyani, tárangitaatssin, Itaru, kuskatssin,

⁵Kizpurcha, táyarusin, napuxtayarusin, suwaranganaya.

⁶Kapung puniksin, nungtaranganaya. Kiz nlluraa tatsipku, wasurimun nungtataru ashiranganaya. Sheeru Apanll undararee kachingarangiya.

⁷Boti marush kung kizpur kambusurush naanatan ashku, mikeeru ichip ichip ashku kachingkachu, ambpaz ashirangu Apanllsha undarareetsi kachingarangiya.

⁸Tputs iyaa: Apanll yaktarini kizpurcha, táranganaya. Natsha iysha anootstam, Apanll yaktarini kizpurcha, atitamaniya. Apanll wamari kasiru waanaatsi yaktarini urutari ksutchiya.

⁹Apaa, shiyash pangish pshtuyaruni, mangini kis shiyaa chinakuni, Apanll urutamari iyaa chinakiya, atiniya.

¹⁰Tsapurunas ztaru shiyaa ungirtachinlliniya. watam shiy taarashipanshawa. Shiyamari kasiru taakush, tputsee ichingarusin tatsamooru ksutaksha.

¹¹Iysha, Irusarinshuchini ichingaruni shiyamun mangini ksakuni, shambatchinlliniya. Zuwanlltamani yuw minush Utaáshuch yaktash taakana antamsin, shiyamuntam Apaa, shambatchinlliniya. Watam iyaa chinarangush, tputsireetsish itsinsaru kamachtarangsha.

¹²Yakat Irusarinap iturpirus, ichinguru napangints. ¿wanipaja tandapunuzush torre pshkurutara? ¡Tandapunuzi wamaneewa! Sundar ksutamapan pang' zapanitamta. Yakat Irusarin kizpurcha. Ashiri napeerus, yasayarus ipareetsis ichingaroo kamaningtsa. Yuwaa kaneesich nllurtachinllina anootstamta kamaningtsa. Apanll yaktarini kizpurcha, tángcha.

¹⁴Iy Aparini urutamari wamari kasiru taarashipan taakiya. ¡An watacha iyaa itsinsaru urutamari machkiya!