Salmos 24

1

2

3

8

10

14

15

16

19

22

23

24

27

32

33

34

37

40

42

43

46

47

48

51

63

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

137

139

145

148

150

¹Dapiyarini wayasi. Apanll ichingaru tsapurunasee ztaru kasiru taakiya. Tputseetstam, maacheetstam kasiru taakiya.

²Watam Apanll waana tsapurunasee tinarangu, kungumun iwaz tsapoo mbamari wayarangiya.

³¿Chakaja Apanllip machirini kárimaam waritak? ¿Chakaja Apanllish pang' pshtumaam waritach?

⁴Yuw tputs yutaritshishirini tachingama, nda yutaritshishee chinaku, nda apanllputsee ungirtaku, nda ngicheeru tputsee tayutaritku, anumari pshtumaam waritakiya.

⁵Tputs zurampatari Apanllingaz chinaku anoo Apanllshat tapachindachiya. Kistam napku, Shiy yutaritshishish nduncha, táchiya.

⁶Tputs Akoparini Apanllingaz tamarangparee chinaku Apanllingaz wizpur támaraku izuuru Apanllish pang' pshtumaam waritariya.

⁷Irusarin pstushini wach urutamash izuuru tawatangcha. Urutamari tawatam taachpa. Kurak yuw wamari kasiru anu, wasundururpat pshtumaam naanllpa.

⁸¿Chakshita kurak wamari kasiru anu? An Apanll Taarashipancha. Uw kizpurcha. Nda sambaytaku waamari kasiyanlliya. Apanlliritcha, yuw undararee waamari kasirangu ancha.

⁹Ashiri Irusarinaa pshtushini wach tawatangcha. Urutari tawatam taachpa, Watam Kurak wamari kasirangu anu pshtumaam naanllpa.

¹⁰¿Tamamshita kurak kizpur kasirangu anu? watacha Apanll Taarashipani, waamari ichingaru kasiru anu. Ichingaru tsapurunasee kanindaatstam waamari kasiru taakiya.