Salmos 139

1

2

3

8

10

14

15

16

19

22

23

24

27

32

33

34

37

40

42

43

46

47

48

51

63

67

69

72

73

80

84

87

89

90

91

93

95

96

100

103

104

105

107

110

115

116

118

119

121

122

124

126

127

130

137

139

145

148

150

¹Dapiyarini yandarangu anoo. Apaa, shiy nuwaa mangi yasaksha. Shiy nuwaa taarashi yasaktamsha.

²Ichinguru ashki anoo yasaktamsha; Ichinguru chinaki anoo yasaktamsha.

³Yuwaa naaki anoo yasaktamsha, Aship ashki anoo paksha, Apaa.

⁴Ndatumastaa tsiyataruri, nuwaa kuki uru wasina yasaksha.

⁵Shiy Apaa, nuwaa ichingaru zar ksutaksha.

⁶¿Tamaru shiy ashiksha, Apaa? Nuw anoo mangoonamaam pinasakina.

⁷Shiyaa kasamaam zandkitaati, itaru ¿yapeeja suwaychi? Yaptaa naaki amb shiy kanish urutari nuwash tachitkiya.

⁸Íwar kanindap kárkitaateena, itaru shiysha anshutamtishcha. Tsapush waantsush pshtukitaateena, shiy anshutamtishcha.

⁹Kambusurush arap naakitaateena, yap zari shitungku amb naakuri, shiy anshutamtishcha.

¹⁰Mus kapungumashee kitkitaateena, yap zar pshtuku amb naakuri, shiysha Apaa, anshutamtishcha. Shiy uru nuwash taaksha. Nuwaa patsisakush, nda kasaksha.

¹¹Tapish ipishungachima, aturi, shiysha, Apaa, nuwaa pakshawa. 'Sinee kzateetaateena taakuri, Apaa, shiysha nuwaa paktamsha; Watam shiy nuwaa tuwasineekshawa.

¹²Shiy tapshutaa nuwaa pamaam waritaksha. Nuwaa kaschiritam paksha. Shiyaam ichinguru kaschir tamapari ashiriya.

¹³Shiy, Apaa, aneershi waxangan nutseemi tínarangsha. Nutseetsi wanasiri tínarangsha.

¹⁴Ashiri, Apaa, nuw wappari atina shiyaatsi. Nuw mangishi chinakuri, ¿Tamaru Apanll ashiranga? aturi, napuxtakina, watam nda mangoonkinawa. Iyaa tputseetsini nutseemani kizpur wanasiri tínaksha. Nuw aneershimasi waxangan taaruri, shiysha Apaa, uru nuwaa yasarangsha.

¹⁶Nuw ndatuma nllurtachuri, waantsshu tapish taaruri, shiysha Apaa, nuwaa taarashi wasina kirakarimunish yandarangsha. Ndatuma minamtiyam zari 'sinee paruri, shiysha nuwaa taarashi ichingaru yasarangsha.

¹⁷¿Tamaru Apaa, nuwaa chinakush ashiksha? Urutari nuwaa chinachintar ashkush taaksha. Nuw maakuri, taraseekchuri, uru anshutam nuwapat taaksha. Nuwaa ksutaksha.

¹⁹Ashiriya, shiy Apaa, pachampanee tputs nuwaa kasimaam zandkusin, anoo arap zanganingcha. Tpachingangcha.

²⁰Shiyaa mantsir tsiyatkitaa, itaru shiyaa kasimaam pinasakanaya, watam shiyamari kasikshawa.

²¹Shiyaa undararsincha. Shiyaa natsakana anumand nuwsha uwaa natsakuri, niyrkina.

²³Ashiri Apaa, nuwaa mangeetsi yasangandama. Yachangandama. Mantsir naakinaareena, shiysha Apaa, nuwaa mangeetsi p'tseengandama. Shiyap izuuru kusamaam nungipiritish machingandama, urutamari taamaama. Ashiri Apaa, wapparee, Dapiyarini tárangiya.